圓老爺大排檔

营业中

休息中

中午食左呢间圆老爷，都几多中式菜既 set lunch 拣，而且几有镬气，大推👍🏻一坐底即上例汤清补凉，饮落有猪骨味，几有家既味道。台式三杯鸡三杯鸡系砂煲热辣辣咁上菜，我觉得以午餐黎讲都几少见，但茶餐厅既价位，好有心机。鸡件份量都几多，食落几滑同唔系好肥，仲有落埋九层塔去煮，味道几正宗台湾三杯鸡，食落惹味。菜心苗炒肉片份量都系大大份，猪肉片切得比较薄身，所以食落易咬同滑身，见佢有特登煎一煎先再炒，整体都几有镬气。菜心苗都几好，唔老👍🏻Set lunch 除左有例汤送之后，仲有配野饮，基本都系雪柜入面任拣同都几多选择。走时睇埋佢晚市个餐牌，以小菜计佢都唔算贵，百松蚊多啲。我觉得呢间煮𩠌几好味同有镬气，可以再食。