亞來街 (已結業)

今日中午放饭，同事们行来行去，最终走入呢马来/东南亚餐厅。亚来不嬲中规中矩，所以可以安心食嘅。我点了蚝仔方鱼汤饭，同事们点了喇沙扎肉掺掺同青咖哩鸡饭。全部都有跟饮品。冻奶茶自动同我哋讲用炼奶，几有heart吖。我个汤饭一上，大大碗，用小蚝仔，料多，仲有几片方鱼，浸咗汤人仲脆脆的，正！个汤底用鱼汤，冇乜味精味，赞！本来惊我食汤饭会唔饱，点知食到尾系超饱的！至于同事们一个喇沙掺掺，汤汁浓，同样食极都未完，另一个青咖哩鸡，一上枱，笑死咗，因为青到莹光咁嘅色，至于味道，佢话d鸡同汁系分开煮，味道一般。