Poking

前阵子去夏威夷工干, 未有机会食到当地Bowl, 今日系上环经过无意中发现呢间夏威夷鱼生bowl小店, 又正值六点多晚饭时间, 正好入去食返碗。店内面积小小, 木系桌椅, 感觉简约。自行scan QR code落单,五款signature bowl中, 拣咗其中两款; 可自选配搭寿司饭、糙米饭、沙律菜; 饭量；on top可以加钱追加配料, 不过店员介绍话signature bowl本身已经好丰富, 唔加主食配料都已经足够饱。我拣咗creamy baby, 自选寿司饭底, 再加咗新鲜菠萝,果然食材叠得高高, 呢款bowl包括有三文鱼、鸡蛋丝、牛油果、飞鱼子、青瓜、豆腐、芝麻碎、炸蒜粒、木鱼丝, 调味只有芥辣沙律酱。寿司饭偏实, 好顶肚; 三文鱼有鱼香, 青瓜爽脆, 牛油果软滑, 其他配料令口感层次丰富, 调味酱较少, 未能足够捞饭, 整齐味道偏清淡, 真系够健康! 另外果碗就order咗Sweet Up Your Life, on top加咗飞鱼籽,呢款饭加咗柚子酱汁, 味道带少少酸酸地, 而且本身有芒果肉粒, 多一点香甜, 同样拣咗多饭够晒饱肚。不过原有嘅牛油果唔知点解用咗豆腐取缔,