影片
更多
2018-08-24
427 浏览
今晚原本友人提议食鸡煲，但两个女仔好耐无见，想揾个静静地既环境倾下计，谂下拣下，佢问我有无试过呢间餐厅，喺「想试新野」而又「无咩花时间再揾其他资料」既情况下，就去左试Bro’s Cuisine!以今晚既观察我觉得餐厅应叫Sis’ Cuisine，因为在场都系sister/lady 们!一入去个感觉系好宁静好舒服，得两枱坐左人（一枱就系我地）。可能系门较厚身，隔音好好，面积唔大，小妹目测Open kitchen 同serve 客 5:5比例，楼面大概可容纳四至六枱客。因灯光较昏暗，加埋木制既方枱，感觉沈实；每枱同厨房既距离好近，好似食私房菜！两个女仔叫左个dinner set, 包左一个前菜(2选1），一个薄饼或饭面（6选1）同一个肉食（5-6选1）。结果我地既选择系：前菜：黑松露意大利云吞最初谂住意大利云吞会比较腻，但因厨师用左比较大只既云吞，而里面磨菇既比例多过芝士，食落唔会觉得滞！配上黑松露汁，内外呼应。喺薄饼同饭面当中，拣左南瓜蟹肉烩意大利饭！最初系谂住试蜜糖鸭肝薄饼（几特别既组合，好似好少见）..但呢排太热气，放弃左（都好，留个原因下次再泥帮衬！）。全个饭基本上俾重重既南瓜蓉包
以今晚既观察我觉得餐厅应叫Sis’ Cuisine，因为在场都系sister/lady 们!
一入去个感觉系好宁静好舒服，得两枱坐左人（一枱就系我地）。
可能系门较厚身，隔音好好，面积唔大，小妹目测Open kitchen 同serve 客 5:5比例，楼面大概可容纳四至六枱客。
因灯光较昏暗，加埋木制既方枱，感觉沈实；每枱同厨房既距离好近，好似食私房菜！
两个女仔叫左个dinner set, 包左一个前菜(2选1），一个薄饼或饭面（6选1）同一个肉食（5-6选1）。
结果我地既选择系：
前菜：黑松露意大利云吞
最初谂住意大利云吞会比较腻，但因厨师用左比较大只既云吞，而里面磨菇既比例多过芝士，食落唔会觉得滞！配上黑松露汁，内外呼应。
喺薄饼同饭面当中，拣左南瓜蟹肉烩意大利饭！最初系谂住试蜜糖鸭肝薄饼（几特别既组合，好似好少见）..但呢排太热气，放弃左（都好，留个原因下次再泥帮衬！）。
全个饭基本上俾重重既南瓜蓉包围，超级黏身，所以点解waitress姐姐一上左呢味菜就温馨提示我地要快d食，因冻左会”杰”同干，𠮶阵先食就系另一回事。
虽然蟹肉被浓浓既芝士味同南瓜既甜味盖过，但小妹非常中意食南瓜同海鲜，又嗜甜，所以觉得呢个组合有新鲜感！只系略嫌芝士脆片唔够脆。
如果系两个女仔share，呢个份量可能会有d负担，但情侣们或者Bros，应该okay 既。
主食选了西冷扒，七成熟，可以拣蒜蓉汁或黑椒汁。都系𠮶句，肉食唔系小妹主场，只可以讲：真系七成熟，唔会太熟或变左五成熟，煎得唔会好干身，依然保留住肉汁。
蒜蓉汁一般，而且小妹觉得汁既份量可以减少d，但整体系意料之外的水准！
今晚食左两个几三个钟，三枱都系女仔，几个女仔始终难免一个墟，但真系唔觉得好局促、好嘈。
总括环境、食物、服务质素而言，系观塘工厦区中性价比高既餐厅选择！会再来的！
后记：意料之外的回味！多谢友人的的好选择！
或许，生命有时候就是需要少些计划、少些期待，多些随遇而安。
也就像一个中同以前的口头禅：
一切也是最好的安排。
张贴
