影片
更多
2019-05-05
140 浏览
有人庆祝钟意玩大锣大鼓，有人钟意静静哋享受快乐时光，今晚嚟到大坑嘅SOCIAL HOUSE，旺中带静，情调都唔错。现场好多系摸住酒杯底，倾偈聚会嘅客人，感觉RELAXING。落咗ORDER，侍应好快就奉上面包，有香草，有百吉，已经食到停唔到喇。跟住嚟一个无花果沙律，简单嘅橄榄油、陈醋，配搭新鲜嘅沙律菜同甜甜嘅无花果，感觉好清新。清新过后，嚟个意大利风干火腿食吓先，香软嘅火腿几时都令人想食多两啖。餐厅都好细心咁喺个底度放咗哈蜜瓜，帮你配埋，唔驶谂。鱿鱼圈有时唔一定炸嘅先好味，好似呢个加啲辣椒，配埋CHORIZO，都好惹味，好开胃。鱿鱼圈嘅份量，一啲都唔欺场，食到呢度，已经半饱。虽然系咁，海鲜都总系无人嫌多，嚟多个香草汁煮蚬啦！蚬大大只，配埋个汁真系几饱都要扫哂佢。朋友无咁细食，点都要有啲饱肚嘢落肚先够喉，叫个意粉嚟食吓吧！一上枱就有好香嘅菇菌味，叉起嚟发现系pappardelle𠮶啲阔度，咁就啱喇，够哂挂汁。加埋嫩滑嘅鸭胸，又几好味㖞。食咗咁多嘢，仲未系散场嘅时候，预先准备嘅生日甜品，系时候出场喇！雪糕加MOUSSE系好味，但面头𠮶啲杏仁片先系最好食，好松脆，边个话生日一定要食蛋糕架？识
现场好多系摸住酒杯底，倾偈聚会嘅客人，感觉RELAXING。落咗ORDER，侍应好快就奉上面包，有香草，有百吉，已经食到停唔到喇。
跟住嚟一个无花果沙律，简单嘅橄榄油、陈醋，配搭新鲜嘅沙律菜同甜甜嘅无花果，感觉好清新。
清新过后，嚟个意大利风干火腿食吓先，香软嘅火腿几时都令人想食多两啖。餐厅都好细心咁喺个底度放咗哈蜜瓜，帮你配埋，唔驶谂。
鱿鱼圈有时唔一定炸嘅先好味，好似呢个加啲辣椒，配埋CHORIZO，都好惹味，好开胃。鱿鱼圈嘅份量，一啲都唔欺场，食到呢度，已经半饱。虽然系咁，海鲜都总系无人嫌多，嚟多个香草汁煮蚬啦！蚬大大只，配埋个汁真系几饱都要扫哂佢。
朋友无咁细食，点都要有啲饱肚嘢落肚先够喉，叫个意粉嚟食吓吧！一上枱就有好香嘅菇菌味，叉起嚟发现系pappardelle𠮶啲阔度，咁就啱喇，够哂挂汁。加埋嫩滑嘅鸭胸，又几好味㖞。
食咗咁多嘢，仲未系散场嘅时候，预先准备嘅生日甜品，系时候出场喇！雪糕加MOUSSE系好味，但面头𠮶啲杏仁片先系最好食，好松脆，边个话生日一定要食蛋糕架？识食嘅，梗系食雪糕啦！
张贴
