Table

营业中

休息中

去完海洋公园之后决定喺呢度食晚餐，一嚟到呢间餐厅发现劲多人排队，见今日凉凉哋，就决定坐室外都冇问题，于是都即刻有得坐。睇完餐牌之后叫咗两个港式料理定食，其实都真系几抵， $138 ，就有六样嘢，包括养生炖汤、茶碗蒸、前菜、煮食、米饭同养生茶。前菜我哋要咗川式砂礓猪手同日式之豆，煮食就要咗巴基斯坦皇室咖喱牛腩同开心果甜酸脆鱼柳，米饭亦都升级咗要难为蛋蛋酱油饭同胡麻酱乌冬，本身其实都几想试吓个养生茶，但系基于今日真系超多人排队，我哋选择咗坐室外，所以都系想要返冻嘢饮，结果就跟餐半价咁要咗一杯话梅柚子梳打同一杯红豆冰！结果嚟到之后先发现原来都仲系有养生茶，真系正！我觉得开心果甜酸脆鱼柳最好味，酸酸甜甜，而且外皮真系好松脆。