Bistro on the Mile

营业中

休息中

而家兴staycation，住酒店包早晨自助餐。其实Holiday Inn呢一个酒店包嘅breakfast buffet呢已经食咗三次。今次总括讲解，可惜我就冇特别去影啦。希望写多少少资料畀啲而家抗疫想出嚟住酒店嘅朋友大概参考一下。中式早餐有几份点心，都系好standard嘅例如有萝卜糕，机械式整嘅叉烧包，烧卖，粉丝菜饺。佢会有啲炒菜，菇，炸鱼，鳗鱼炒饭，中式炒面,白粥,牛肉粥,油炸鬼香肠火腿烟肉。有一个专人嘅煎蛋巴，会随你喜好去煎太阳蛋，奄列，荷包蛋。佢有即渌面，会煮乌冬，云吞，菜面之类。会有西式嘅甜多士，pancake，蕃茄豆火腿，薯角，鸡肉肠,yogurt，冷盘沙律。面包同muffin,有水果, 奶咖啡同茶。系一个好standard你会expect酒店嘅自助餐，冇乜惊喜，唔系求其但你又唔会觉得佢特别兴奋。中规中佢嘅港式酒店自助餐。个人觉得简简单单嘅奄列再加啲炸薯饼加个水个盘同toast再加一杯豆浆就已经系一个满足嘅早餐。