Cafe Causette

营业中

休息中

之前买左个Staycation package $3,050本身包自助晚餐，但因为无堂食，所以改做系房内食三道菜，7:45pm左右送到黎，饱到食唔晒啲薯条。餐包左边好硬，右边松软好食。前菜大虾鸡尾酒沙律配以玛丽玫瑰酱丶生菜苗，大虾几鲜甜。凯撒沙律加苏格兰烟三文鱼有鳀鱼、芝士、意大利烟肉、面包块，烟三文鱼非常肥美，油脂好丰富。生菜好脆，但唔够甜。主菜全只法式焗龙虾焗龙虾上有杂菌丶巴马臣芝士丶洋葱，配以一碟薯条，龙虾加上上面既配料变得更好食。烤美国牛柳(220克)配宾尼士汁，配菜系烤时令杂菜丶芝士松露薯条。牛柳有牛味，唔错。甜品特浓朱古力蛋糕配威士忌雪糕类似opera，但比较结实，威士忌雪糕好浓威士忌味，可惜食时都溶得七七八八。暖苹果挞配云尼拿雪糕几脆口，正常水准，云尼拿雪糕亦系溶左，但都食得出系好味既。因为生日送左个Chocolate Duo with Crunchy Sable and Hazelnut Praline Cake，系金莎味道，好味。