Italian Tomato Café (創紀之城五期(apm))

营业中

休息中

一去到夏天，就好期待食水果，水果除左健康，有D仲好适合解暑。今日去到apm，见到Italian Tomato新出左Summer Breeze系列嘅蛋糕，仲用新鲜嘅水果整成，就买左个试下，价钱都几抵。今次Summer Breeze系列主打健康为主，又可以食到好嘅野，又可以保持下健康。今次拣左依个血橙茉莉慕斯蛋糕系因为佢系美白之选，美白对女仔黎讲好重要，特别系夏天嘅时候。佢面头有橙肉同忌廉，橙肉食落好甜，而忌廉有淡淡嘅橙味。而里面系特浓朱古力蛋糕夹住黑朱古力脆脆，钟意朱古力嘅朋友一定好钟意，佢有好多层都系朱古力味，包括蛋糕同慕斯。最惊喜嘅系中间有层血橙果蓉酱，出面嘅橙果酱好难食，但依个酱食落唔错，有甜甜嘅橙味，同朱古力蛋糕好夹。