Brew Bros Coffee (石塘咀) (已結業)

周日，瞓到自然醒，谂住去屋企附近新开嘅Brew Bros Coffee 新店食个 Sunny Brunch。离远都见到好 Blue 嘅舖面啦，西环店比上环店多咗份文青嘅感觉，唔知系咪近 HKU 嘅关系哩！时间尚早，店内人唔算多，揾咗个角落位坐低慢慢享受吓阳光与早午餐。 - Flat White（$38）试咗哩杯 Flat White，奶泡打得好幼滑，饮落嘅口感好丰满，咖啡豆香味浓，点赞！！ - Avocado Eggs（$78）个 toast 嘅卖相靓到好似成件艺术品咁，真系唔舍得食咯！啲 avocado 份量啱啱好，同啲 nuts 一齐食个味好夹，仲好有咬感又健康。最值得一赞嘅系个 toast，系我去过嘅 cafe 当中嘅 toast 最软熟、最烟韧、最易咬、最易切嘅。拮开个 poached egg ，啲蛋浆就好似熔岩咁流晒出嚟，好有蛋味，煮嘅时间控制啱啱好，唔会过熟，正啊！