影片
更多
2015-06-23
66 浏览
昨晚跟朋友一行4人撑台脚，吹水、吃嘢同喝酒，抒发自己呢排的工作压力。一去到餐厅，右手面的台一半都坐唔满，左手面的食物一盘盘好似冇乜郁过。正，睇黎我可以试晒我想食嘅嘢。食自助餐最忌"就"住"就"住，难得今日咁开心，我都放开肚皮食。讲漏左少少嘢添，我哋今次食嘅系半自助餐，除左个Main Course 系点菜之外，前菜、沙律、甜品、 饮品等都系自助式。一坐㡳，我哋即刻睇主菜有咩拣。自中六唔食牛以来，羊我都已经少食，因为我麻麻𠮶阵臊味。鹿肉应该跟牛肉差不多嘛，又少个选择。Menu上面，我可以拣的选择不算多，最后拍板皇帝蟹脚三食。朋友仔逐一拣左自己的心水主菜后，我哋就开始食同饮＋吹水的神圣任务。大家先喝杯暖暖胃先，我拣了白酒，有啲拣左红酒，有啲就两只酒都有试。结论系白酒好饮啲！酒一落肚，我哋就开始是但噏，唔知边个开左个topic讲FB抽水，跟住就讲到100毛，再讲到高登。前两个topics我都仲吹到，之后的高登话题，我简直系呢一台的外星人，我听得明所有的字，但系夹埋一齐，我就听唔明。我个好"毒"的朋友话，她问我一条问题就知道我“毒”不“毒”！"好啊，你问啦" (By me); "你知唔知咩系"阿
一去到餐厅，右手面的台一半都坐唔满，左手面的食物一盘盘好似冇乜郁过。正，睇黎我可以试晒我想食嘅嘢。食自助餐最忌"就"住"就"住，难得今日咁开心，我都放开肚皮食。讲漏左少少嘢添，我哋今次食嘅系半自助餐，除左个Main Course 系点菜之外，前菜、沙律、甜品、 饮品等都系自助式。
一坐㡳，我哋即刻睇主菜有咩拣。
自中六唔食牛以来，羊我都已经少食，因为我麻麻𠮶阵臊味。鹿肉应该跟牛肉差不多嘛，又少个选择。Menu上面，我可以拣的选择不算多，最后拍板皇帝蟹脚三食。朋友仔逐一拣左自己的心水主菜后，我哋就开始食同饮＋吹水的神圣任务。大家先喝杯暖暖胃先，我拣了白酒，有啲拣左红酒，有啲就两只酒都有试。结论系白酒好饮啲！
酒一落肚，我哋就开始是但噏，唔知边个开左个topic讲FB抽水，跟住就讲到100毛，再讲到高登。前两个topics我都仲吹到，之后的高登话题，我简直系呢一台的外星人，我听得明所有的字，但系夹埋一齐，我就听唔明。我个好"毒"的朋友话，她问我一条问题就知道我“毒”不“毒”！"好啊，你问啦" (By me); "你知唔知咩系"阿Me呀" (By friend); "咩来㗎？" (By me); "睇黎你一啲都唔"毒"！(By friend)跟住，我的"毒"友们，就开始解释咩系"阿Me呀"，高登成立时的经典人物，如：改图熊猫......(其它唔记得左)。我好似听到了很多专有名词，一头雾水！睇黎我都答唔到咀架啦，惟有寄情于食物。
我夹了一些Salad、冻肉、冻虾及澳洲青口做前菜。其中的有个泰式白云凤爪的Salad真是超辣，我是一个能食辣的人，但系第一啖食落口都觉得好辣，都要即刻饮水，但是辣的过瘾同很开胃。
在我仲食紧第一盘前菜的时条，我的主菜：伊甸皇帝蟹脚三食(米纸蟹肉卷，牛油煎蟹脚，苏皮焗野菌奶油蟹肉）已经送上台了。最紧要正字问题：究竟系"酥皮"定系"苏皮"呢？有冇人可以解答到我啊？
伊甸皇帝蟹脚三食(米纸蟹肉卷，牛油煎蟹脚，苏皮焗野菌奶油蟹肉）
$368
26 浏览
0 赞好
0 留言
老老实实，我觉得除左牛油煎蟹脚系好食之外，其余两食我都觉得麻麻地！我的目光及嗅觉反而被朋友的法式保云苏烤焗羊扒吸引了过去。朋友好慨慷地分了少少俾我哋食，哇，真是很好吃。平时吃羊扒的时候，一夹到鼻子下面就可以闻到羊臊味。但是吃这个羊扒时，第一下闻到的味到的是焗面包糠的香味及甜甜地的香味。一啖咬落啲羊扒到，好嫩～～配埋𠮶汁真系好好食。𠮶汁食落水甜甜地的同埋有香草味，有烤汁的感觉，但又不完全是烤汁。我哋忍唔住就叫左侍应哥哥来问啲汁系用咩整的。
法式保云苏烤焗羊扒
$278
40 浏览
0 赞好
0 留言
另外一个朋友仔叫左香煎智利深海军曹鱼，朋友话都唔错！个皮煎得几香脆，鱼肉都几结实，我自己对个绿色的汁有兴趣，我又同另朋友"乞"左少少汁来试，原来系牛油果整成的汁，配番啲结实鱼肉一齐食的，可以令鱼肉滑啲但又不至于成口油。紫色的系紫薯蓉，甜甜地，又衬色，我都几欣赏这个配搭！
香煎智利深海军曹鱼
$238
34 浏览
0 赞好
0 留言
Dessert
14 浏览
0 赞好
0 留言
题外话/补充资料：
Edenfa在闲日夜晚唔多客，完全冇同人争食的感觉，可以"滋滋油油"的享用个半自助餐。因为间餐厅冇招牌，所以我以为自己行错路，入错餐厅。
(以上食记乃用户个人意见 , 并不代表OpenRice之观点。)
张贴
