SABROSA

营业中

休息中

系铜锣湾做完野差唔多两点半，就嚟到呢间西班牙餐厅试试，lunch hour就快完冇咩客所以可以霸晒成间餐厅。Set Lunch $168+10%包餐汤/沙律、一款Tapas西班牙餐前小吃、主菜、甜品同餐饮。洋葱汤非常清甜，有月桂叶，香料十足。Tapas拣左西班牙脆包配白银鱼柳，脆包松脆可口，上面嘅银鱼柳同sour creme非常浓郁creamy，好味好味~西班牙海鲜烩饭个边有脆脆嘅饭焦，侍应提示饭焦和烩饭搅匀，口感会更佳。果然搅匀后香脆嘅饭焦融入烩饭更添口感，高汤唔错，唯青口、鱿鱼等海鲜嘅雪藏味太重，冇咩味道。厨师精选甜品系brownie，未试过杂果沙律配蜜糖乳酪泡沫所以试吓。卖相够晒特别，蜜糖乳酪泡沫轻盈，可惜个汁连燕麦同杂果沙律甜到好似饮紧糖水咁，对我嚟讲太甜啦。餐饮加左$10 upgrade做cappuccino，咖啡豆好香，可惜有苍蝇系奶泡上短暂停留，ruin左个mood。