Pier 1929

营业中

休息中

今日特登book左枱，对住尖沙咀海景High tea!餐厅环境清新楼底很高，而且对着尖沙咀海景环境10分写意。特色三层下午茶598两个人价钱合理。呢个Tea set超靓！餐厅好有心思每一个客人的tea set嘅花花装饰都系唔同嘅。靓到唔舍得食！净系打卡都抵呀。下层有香浓咖喱杂菜批，大虾多士，芝士烤鸡肉酥盒，龙虾奶油多士，松叶蟹墨西哥薄饼同松饼等等！我最钟意嘅就系大虾多士同烤鸡肉酥盒。多士底松脆配上大虾嘅鲜甜非常滋味。鸡肉酥盒外皮松脆，鸡肉配上芝士味道香浓识落又唔腻口。上层嘅甜品有柠檬挞，抹茶蛋糕，柚子芝士蛋糕，酒冧朱古力同迷你双黄白莲蓉月饼。月饼应该系餐厅想应下节！ 我最钟意佢个有子芝士蛋糕，蛋糕软滑食落去有柚子清香，一啲都唔腻，值得推介。钟意食朱古力嘅人应该都会钟意呢个酒冧朱古力！朱古力里面系甜酒味道容易入口。而且最特别嘅系如果餐牌有写refill嘅食物，系真系可以无限refill！真系一个好好同闺蜜聚会嘅好地方。