Uncle Tetsu's Cheesecake (已結業)

之前系大阪食过，果时特登等出炉热辣辣，望住职员级印仔落个蛋糕上面，万般期待！食落口软绵绵浓郁芝士软身蛋糕，好～好～味～啊！ 香港竟然开咗专门店，当然要试吓啦！重拾返个种味道吖麻！𠮶日落雨见到竟然冇人排队，即刻九秒九入去买返个先！蛋糕用纸盒装住, 就有个靓靓纸袋袋住，纸袋上面印住Tetsu叔叔嘅大唛头，未食见到都已经好开心 返到屋企放咗入雪柜，第2日早餐拎出嚟叹好正，超香芝士蛋糕，超松软。 个蛋糕唔系好大，大约6寸左右，每人大约1/4个岩岩好。蛋糕都几厚身下，有大约5cm咁高架. 个蛋糕嘅松软程度就系拎住把刀唔洗点用力都切得开 蛋糕中间位置最湿润最软熟，海绵咁嘅质地真系大人细路都好岩食 食完唔会好漏, 甜度刚刚好~同埋原来冻食都唔错架！不得不提冻食蛋糕密度高D但都唔会变实~依然保持都咁轻盈咁口感 不过比较起上泥, 我个人认为都系热食最满足都嗅觉同味觉双重要求 切开后睇到打面浆嘅时间打入嘅气泡分怖平均，望落去好似海绵蛋糕，但咬落芝士味先系重点 非常可爱嘅彻司爷爷 （好似老夫子呀 ）系香港都有得食已经好开心  而已$59价钱都算合理。