Charcoal Bar

营业中

休息中

好彩预先book 咗枱，好耐未见过一间餐厅full house 仲不停有番枱，真系唔好讲笑，到9:30pm 仲见有人入嚟。当晚叫咗「龙虾汤」同「青口」做前菜，配以「大蒜、姜、芫荽、辣椒、自家制辣椒油、白酒」，另叫「荔枝木烟熏原只珍宝虎虾 酸辣酱」同埋「荔枝木烟熏阿根廷安格斯菲力牛扒」作主菜。青口好肥美，个source 做得好好，好惹味👍🏻但配上嘅面包🍞 好韧，根本咬唔开。我本身唔食芫荽，见到佢写明配料有芫荽，已经同侍寝应生叮嘱所有嘅菜式都要走芫荽，但系嚟到个青口都系有，不过个侍应生都好好，同佢讲返之后即刻拎返去俾个第二碟我。个虎虾都烧得几香，不过我觉得啲肉未系去到弹呀嘅级数。至于个🥩，份量啱啱好，侍应生建议系四成熟，出嚟嘅效果都好好，就算唔点个汁都好好味，口感👍🏻👍🏻。不过有一样要讲，就系如果想要海景，就要入到去餐厅嘅尾段坐，但𠮶度冷气不足，同埋啲枱都比较逼夹，一路食，一路出汗，见到有一张枱系最边边， D食客keep住都要求转枱，所以如果想凉爽啲，就要放弃个海景，坐返大堂。