影片
更多
2011-02-02
38 浏览
1-2-2011以前返过一段时间金钟, 呢间开业多年的泰国餐厅却一次都未帮衬过; 而是日捉了朋友来食「团年饭」, 纯粹因为自己忽然想食炸软壳蟹, 睇了食友 FL 的食评又好似几吸引. 先饮杯 Lychee Ginger (non-alcoholic 版 $45): 由 lychee honey, lychee soda 及 ginger juice etc 沟成, 饮落系有汽的, 荔枝味唔「人工」, 少少酸, 姜汁的辛辣就系 "burp" 的时候最突出, 哈哈. 朋友饮 Thai Sugar Cane (non-alcoholic 版 $45), 由 sugar cane, mint, lemongrass etc 沟成, 饮落的确好劲 lemongrass 味, 几甜, aftertaste 亦如朋友所讲「似 bubble gum」, 感觉得意, 但味道其实怪怪哋, 唔喜欢.炸软壳蟹 ($98): 为佢而来, 懒理佢是否「天下间极肥之物」了 粉浆薄, 炸得脆口, 食落亦好好「肉」/ 膏, 就咁食都几香, 不过炸得太油腻了; 旁边的鱼露汁就又酸又咸又 "fishy", 味道丰富
1-2-2011以前返过一段时间金钟, 呢间开业多年的泰国餐厅却一次都未帮衬过; 而是日捉了朋友来食「团年饭」, 纯粹因为自己忽然想食炸软壳蟹, 睇了食友 FL 的食评又好似几吸引.
先饮杯 Lychee Ginger (non-alcoholic 版 $45): 由 lychee honey, lychee soda 及 ginger juice etc 沟成, 饮落系有汽的, 荔枝味唔「人工」, 少少酸, 姜汁的辛辣就系 "burp" 的时候最突出, 哈哈.
朋友饮 Thai Sugar Cane (non-alcoholic 版 $45), 由 sugar cane, mint, lemongrass etc 沟成, 饮落的确好劲 lemongrass 味, 几甜, aftertaste 亦如朋友所讲「似 bubble gum」, 感觉得意, 但味道其实怪怪哋, 唔喜欢.
炸软壳蟹 ($98): 为佢而来, 懒理佢是否「天下间极肥之物」了 粉浆薄, 炸得脆口, 食落亦好好「肉」/ 膏, 就咁食都几香, 不过炸得太油腻了; 旁边的鱼露汁就又酸又咸又 "fishy", 味道丰富, 蘸软壳蟹亦可减低油腻感, 几喜欢.
沙爹串烧 (鸡, 牛, 猪) ($72): 三款肉都腌得入味 (香茅味好劲), 不过就以鸡肉最好食, 嫩腍又多汁 牛肉都不错, 质地软腍, 牛味亦比预期浓; 猪肉就较粗嚡; 沙爹汁花生味几香, 亦几浓椰汁味, 唔辣, 几甜, 都几啱口味. 做得不错的串烧, 值得试试的.
Roti ($22 一份): 本来只叫了一客嚟送咖喱 (详见下文), 不过呢度做得十分松化, 酥油味香, 就咁食都好好食, 最后系要追加一客.
大虎虾黄咖喱 ($168): 大家作为受辣「幼稚园生」/「小学生」, 咖喱当然选最小辣的「黄」, 不过呢个咖喱汁比预期稀, 食落唔算香浓, 反而几辣 虎虾好好肉, 卖相靓, 不过「炭」/「㶶」味实在太劲, 质地亦唔算爽实, 配咖喱汁同吃会较好, 不过既然咖喱汁都麻麻, 可想而知有几「唔太好食」; 亦不得不提呢只虾几多膏, 不过 d 膏都几苦的...
食到 8 成饱, 但见甜品款式唔少, 仲好似几吸引, 又叫了香蕉布甸伴雪糕 ($48) 试试: 布甸热热的, 质地及味道都似「劲 moist 版」香蕉蛋糕多 d, 蕉味香浓, 仲有黏稠又好甜的 toffee sauce, 粒粒焦糖 crunch 及碟上如「水塘」的 vanilla sauce, 食落甜得嚟香, 而且系我喜欢的 "caramel" 味, 正 配上雪糕一冰一热, 最后仍然清碟.
食物有好有唔好, 环境就好好, 装修得有点似酒店的 coffee shop / buffet 餐厅 店员们有礼貌亦有求必应, 招呼亦好.
连加一埋单每人 $286, 比预期仲要贵 d, 喺 PP 嚟讲叫 "standard', 但我觉得唔太抵食, 试过就算了.
张贴
