The Coffee Academics (市場街) (已結業)

假日与友人带同宠物到西贡游玩。-咖啡店位于市场街街头位置，显眼，易揾。咖啡店设计旧式复古感觉，有浅红色砖墙，开放式咖啡机吧枱，有甜品柜，入座率约3成，有室内同户外位置，好多空桌冇人执枱，人手不足。餐牌有咖啡、主食、甜品供应，多元化，店员服务一般，冇乜礼貌。-是次体验系外卖自取。-纽西兰麦芦卡蜂蜜鲜奶咖啡 $62 （冻）份量正常，咖啡有明显渐层，底部有蜂蜜，搅唔融变成一嚿嚿，甜得唔均匀，一啖好甜，一啖唔甜嘅咖啡，蜂蜜份量多，几香甜，有粉粒状，唔滑，同想像中有出入，鲜奶咖啡香浓唔酸，带奶香，唔错。-咖啡店定价进取，店员态度可再改善，性价比低。题外话：蜂蜜咖啡有提供热饮，如果将蜂蜜以热水冲泡，高温容易破坏蜂蜜嘅营养价值。