影片
更多
2018-09-26
1102 浏览
一直都好想食呢间牛扒～但系成日都听到话无得book枱要walkin，位置又不太就脚，所以就成日都打消念头，始终收工之后仲要等一轮位先可以食到对我呢个无咩耐性嘅人嚟讲真系有啲难度～不过适逢庆祝日子，等一等无咩所谓啦～最多收工即刻冲过去希望可以有位 今次去到差唔多7点，一开门已经见到有啲人系度等位，心感不妙....原来佢哋全部都未齐人所以无得入枱..嘿嘿..咁即系我有机会啦～等咗大概五分钟侍应就话我哋有枱喇～仲要唔系bar枱～太好了！呢间牛扒系只得一个menu，系台面张垫枱纸～$318一位牛扒餐，薯条可以任加～系香港好少餐厅系净系做一个餐～不过呢间落户系尖沙咀又够胆净系做一个餐，一定系对自己菜色好有信心先会咁！侍应首先端上一客面包～可以添加的～热辣辣带点烟韧的小法包～加好大旧牛油～牛油放喺小法包上面即刻溶了～非常好食～不过建议唔好食咁多，因为会好饱哈哈然后就来一客沙律佢个沙律好特别，系又沙律菜同埋合桃组成～好少沙律会用合桃呢～ 全个沙律由几种有机沙律菜组成，所有菜都好新鲜爽口，沙律汁系醋汁，加落去非常开胃～而合桃又同时令到个沙律有返少少口感～食完沙律就到主角～美国安格斯肉眼扒~每份都有10
不过适逢庆祝日子，等一等无咩所谓啦～最多收工即刻冲过去希望可以有位 今次去到差唔多7点，一开门已经见到有啲人系度等位，心感不妙....原来佢哋全部都未齐人所以无得入枱..嘿嘿..咁即系我有机会啦～等咗大概五分钟侍应就话我哋有枱喇～仲要唔系bar枱～太好了！
呢间牛扒系只得一个menu，系台面张垫枱纸～$318一位牛扒餐，薯条可以任加～系香港好少餐厅系净系做一个餐～不过呢间落户系尖沙咀又够胆净系做一个餐，一定系对自己菜色好有信心先会咁！
面包
60 浏览
0 赞好
0 留言
侍应首先端上一客面包～可以添加的～热辣辣带点烟韧的小法包～加好大旧牛油～牛油放喺小法包上面即刻溶了～非常好食～不过建议唔好食咁多，因为会好饱哈哈
然后就来一客沙律
沙律
56 浏览
0 赞好
0 留言
食完沙律就到主角～美国安格斯肉眼扒~每份都有10oz肉眼扒～～我哋都点咗Medium Rare~侍应会先系枱面放一个架，下面点一个小蜡烛～然后上牛扒～
牛扒
118 浏览
0 赞好
0 留言
平时香港好多餐厅都系煎牛扒煎得太熟～medium rare 变成medium well~但系呢度绝对无呢个问题！切开牛扒仲见到啲血水架～当然系呢度唔驶自己切牛扒～侍应会好窝心咁帮你上枱之前切好然后再夹落你只碟～再添加薯条俾你～服务真系好好～
牛扒薯条
$318
79 浏览
0 赞好
0 留言
个牛扒煎得非常香，睇佢表面有点黑色应该系经过炭烧～佢本身跟番茄汁同埋蛋黄芥辣酱～个牛本身牛味好浓又带有少少炭烧味，牛嘅脂肪分布又好平均，唔会话有啲太肥太瘦，每一口入口都好juicy，唔驶点酱汁都非常好味～ 每件牛扒都好似艺术品一样，外面焦脆里面松软多汁～真系令人觉得食一块系唔够!
而且系呢度食唔使惊个牛扒会好快冻咗，因为碟下面嘅小蜡烛座系可以帮牛扒保持一定嘅温度～所以可以慢慢倾计享受牛扒～法式生活一样～！
另外佢仲有得无限添加薯条～唔好睇个薯条系好似平时麦当劳𠮶啲咁～一食落去就知道有好大分别～佢条条都好脆又唔太油腻～每条都炸到金黄色非常香口，真系会食完一转又想再加多转食落去～而且呢度啲侍应好nice好好人～你要加任何嘢佢哋都会非常乐意帮你～
女人总系有另一个胃放甜品嘅～我一入餐厅早已经比佢个甜品车深深吸引住～当然要留返一个位置去试一下佢个甜品啦
甜品车
138 浏览
0 赞好
0 留言
当你食到差唔多时，侍应会推甜品车嚟问你有无兴趣要甜品～佢哋会逐个甜品拎到你面前比你选择～好窝心～最后我拣咗拿破仑蛋糕试一试～
拿破仑
$108
73 浏览
0 赞好
0 留言
你拣好之后佢哋会加少少装饰先放上枱比客人享用～个拿破仑好平实，无任何特别嘅材料有三层嘅酥皮中间夹著来有～好简单嘅配搭～佢个酥皮非常脆～上面淋咗啲霜糖，除咗用来做点缀之外都带出了一点甜味～点埋隔离嘅奶油嚟食，又唔会抢咗拿破仑个味～不过价钱有点小贵啦$108一件，我觉得呢个价钱可以食到更加特别同好食嘅蛋糕～
食完之后非常满足呀～$318一位嘅价钱食到呢个质素嘅牛扒～真系好想再嚟食多一次牛扒呢！
张贴
