Three Dice Kitchen (已結業)

依间餐厅嘅特别之处系佢有部分嘢食系分子料理, 比较其他附近餐厅, 价钱都算合理, 平日去有晚餐set, 平均价钱70至80蚊连餐饮, 加埋餐汤都系15蚊, 好抵食。我同朋友都叫左个龙虾汁海鲜意大利饭, 另加左个鸡翼大家share, 到最后自己又再加多个分子料理嘅甜品试下。先试个龙虾汁海鲜意大利饭, 饭煮得唔错, 韧度适中, 唔会话太淋果只,龙虾汁亦煮得好好, 够浓味够creamy, 正! 几十蚊有依个质素, 真系唔错。炸鸡翼, 小食首选, 热辣辣金黄色, 咬落香脆, 睇得又食得。一客有四件, 两个人分啱啱好。分子料理甜品系原味水晶球, 睇落似个灯胆, 里面嘅成分主要系黄豆粉同黑糖蜜。食落就似啫喱, 几得意吓。 整体嘢食唔错, 有兴趣或系果头返工嘅话不妨去试试啦！