Tiger San (已結業)

青衣城去得多,第二期另外个商场第一次去,感觉好良好,因为唔算太多人知道,同埋有好多食肆好集中,今日去试一间位于第二边商场名叫tiger san。午市套餐：蕃茄汤，杂菜沙律香浓鲜蕃茄，蕃茄酸甜度适中，热辣辣饮完好舒服。健康杂菜，配埋芝麻酱沙律汁，简直好夹。慢煮牛肉粒野菜糖心蛋乌冬：份量够大，牛肉粒肥瘦分明，糖心蛋做到好好，有流心嘅效果，配上最高质素嘅稻庭乌冬，烟韧弹牙。美国西冷牛扒定食：厚切牛扒 ，牛肉味相当浓厚，唔会有根，烧到生熟程度刚刚好。其实喺青衣城咁大型嘅商场午餐呢讲，价钱算合理，味道相当唔错，下次可以食其他嘢因为佢午市套餐真系好多选择。