Amitie Kitchen (已搬遷) 新店位置

自己近排出去食少左野，冇咩约，难得有朋友话有间楼上西餐厅几出名，叫我一齐去食下，咁梗系要try try 啦。系观塘放工去尖沙咀都唔算太远，7点几就可以正式开餐啦！🤤叫完野食几分钟之后，餐包就已经送上，同出面普通餐包唔同，佢仲有croissant 同我之前系北欧成日用黎配埋只瑞典芝士虾酱既饼饼，一啲都唔系交行货咁简单。前菜就拣左个法式香草牛油焗田螺，有专门夹住田螺既器具，加埋支小小既叉仔就可以轻松整入面啲肉出黎啦，田螺肉热辣辣够弹牙唔会霉，香草牛油香味突出，佢仲配搭埋焗薯蓉，大满足！主菜我就叫左法国鸡胸配日式年糕，fusion 菜，本身担心鸡胸会好易嚡，但呢间既鸡胸真系完全唔觉得嚡同韧，日式年糕够烟韧，唔会食到好粉咁，衬返个番茄酱真系酸酸甜甜好开胃呀！原来年糕配鸡胸都系好夹㖞。我朋友就叫咗个BBQ酱猪仔骨佢呢个配唔系普通嘅薯条，而系番薯条。食落去比普通薯条更加甜口，猪仔骨分量十足，腌得好入味唔会死咸，够嫩唔会食落好似煲汤猪肉咁。最后一定要叫甜品作结，我就叫左一个伯爵茶奶冻，朋友之前试完好推介既。 奶冻够滑之余，每一啖都有浓浓既伯爵茶香，又唔会太过甜腻，奶味同伯爵茶好夹，令我好想叫多杯。