Pica Pica

营业中

休息中

今次系第二度帮衬Pica Pica，上一次系朋友请食生日饭，觉得呢间餐厅嘅嘢食都几好。而今次就主要系冲住佢哋嘅黑松露menu，所以都想睇下keep唔keep到水准。黑松露Menu有6道菜，今次拣咗其中2个，分别系Tortilla同Beef Tenderloin。Tortilla食咗第一啖后有惊艳到我，里面有满满嘅蛋浆同埋马铃薯，再加埋ham同黑松露，成个味道夹到不得了，可以话系超好食！强烈建议呢度坐应该放喺Regular Menu！而牛柳食落都几腍，配黑松露片一齐食个味道都夹。除咗黑松露Menu，亦都叫咗Regular Menu上面其中3道菜我上次冇食过嘅嚟食。分别有Ham & Squid Croquettes，红虾热狗同西班牙海鲜饭。Croquette食落唔会过分油腻，里面嘅馅都几creamy。红虾热狗味道都唔错，红虾肉好新鲜同食落好弹牙，如果红虾肉嘅份量再多啲，口感应该会更丰富同更好食。西班牙海鲜饭味道唔错，饭嘅口感几有咬感，饭上面嘅海鲜都好新鲜。平时red sangria饮得多，难得见到有white sangria。味道OK，配今餐有海鲜嘅食物都夹。