影片
更多
2021-07-10
97 浏览
👧🏻👧🏻👧🏻👧🏻相信大家对Jacomax依间意大利餐厅应该都唔会感到陌生，仲记得佢地上环间铺等位𠮶条队真系长得好可怕😳，👧🏻s都曾经为咗个苹果薄饼🍎而排埋一份。今次👧🏻s经过铜锣湾嘅时候，发现佢地喺渣甸中心开咗分店，仲要咁啱冇人排队，机会难得，紧系即刻冲入去回味下~🤤 铜锣湾分店比上环间铺细，可以容纳嘅人客亦都会比上环少，不过感觉上以前上环嘅人龙比铜锣湾长好多(戴返个头盔先👷♀️：唔知依家上环仲系咪有咁多人排)，所以大家想试嘅话就可以自己衡量下去边间好啲啦。 ✧✧✧✧✧✧✧✧✧✧✧✧✧✧✧✧✧✧✧✧ 1) 蓝芝士苹果薄饼 HK$178 去Jacomax唔食依个pizza🍕应该就同去食烧肉唔食牛舌一样，唔知你去黎做咩。🤭未食已经闻到好香嘅蓝芝士味，食落苹果味唔会话非常突出，但系当焦甜嘅苹果🍎遇上浓烈嘅蓝芝士🧀，简直好似开紧一个咸甜盛宴，两者加埋一齐真系好夹‼😍加上依个薄饼系薄底嘅薄饼，完全系正中👧🏻嘅红心🎯~不过有一点系👧🏻觉得比较可惜嘅，就系……佢地个pizza得12吋，对大胃👧🏻黎讲真系唔系好够饱，如果有大啲嘅size可以拣就好啦。😚 😍卖相：🌕🌕🌕🌕🌕😋味道：🌕🌕🌕🌕🌗 2) 烟猪
相信大家对Jacomax依间意大利餐厅应该都唔会感到陌生，仲记得佢地上环间铺等位𠮶条队真系长得好可怕😳，👧🏻s都曾经为咗个苹果薄饼🍎而排埋一份。今次👧🏻s经过铜锣湾嘅时候，发现佢地喺渣甸中心开咗分店，仲要咁啱冇人排队，机会难得，紧系即刻冲入去回味下~🤤
铜锣湾分店比上环间铺细，可以容纳嘅人客亦都会比上环少，不过感觉上以前上环嘅人龙比铜锣湾长好多(戴返个头盔先👷♀️：唔知依家上环仲系咪有咁多人排)，所以大家想试嘅话就可以自己衡量下去边间好啲啦。
✧✧✧✧✧✧✧✧✧✧✧✧✧✧✧✧✧✧✧✧
1) 蓝芝士苹果薄饼 HK$178
去Jacomax唔食依个pizza🍕应该就同去食烧肉唔食牛舌一样，唔知你去黎做咩。🤭未食已经闻到好香嘅蓝芝士味，食落苹果味唔会话非常突出，但系当焦甜嘅苹果🍎遇上浓烈嘅蓝芝士🧀，简直好似开紧一个咸甜盛宴，两者加埋一齐真系好夹‼😍加上依个薄饼系薄底嘅薄饼，完全系正中👧🏻嘅红心🎯~不过有一点系👧🏻觉得比较可惜嘅，就系……佢地个pizza得12吋，对大胃👧🏻黎讲真系唔系好够饱，如果有大啲嘅size可以拣就好啦。😚
😍卖相：🌕🌕🌕🌕🌕
😋味道：🌕🌕🌕🌕🌗
2) 烟猪肉忌廉粗意粉 HK$148
对依碟意粉嘅第一印象就系条意粉真系好粗，基本上喺香港普遍嘅西餐厅都冇咩点见过依种粗度嘅意粉，所以👧🏻都觉得几得意。😊意粉🍝算系煮得啱啱好，唔会因为系粗意粉而煮得过淋或都过硬。烟猪肉带有烟肉🥓嘅咸香，不过对👧🏻黎讲有少少油腻同过咸。至于挂系意粉上嘅忌廉可能因为烟猪肉嘅味道过于突出🤔，感觉有啲bland，配埋烟猪肉食就啱啱好。整体黎讲，烟猪肉加忌廉真系令到成碟意粉好heavy，👧🏻建议怕油腻嘅人可以试下佢地其他比较清爽嘅pasta。☺
😍卖相：🌕🌕🌕🌕🌑
😋味道：🌕🌕🌕🌑🌑
总括黎讲，👧🏻觉得佢地嘅蓝芝士苹果🍎薄饼真系好特别，始于算系喺香港比较少见嘅薄饼，系值得一试嘅，不过如果你唔中意芝士嘅话可以当我无讲过。😂
有一点提提大家：如果想同朋友坐耐啲倾下偈嘅话，👧🏻就唔太建议大家去Jacomax。事关佢地铺头真系长期大排长龙👯♀️，基本上食完已经要准备俾钱走人，因为真系感受到佢地有下一枱客，𠮶日唔够饱想再加点嘅👧🏻都就此作罢。
✧✧✧✧✧✧✧✧✧✧✧✧✧✧✧✧✧✧✧✧
✨整体评分✨（5分满分！）
🏠环境：🌕🌕🌕🌕🌑
🤵🏻服务：🌕🌕🌕🌑🌑
💲抵食：🌕🌕🌕🌗🌑
💯总分：🌕🌕🌕🌗🌑
➖➖➖➖➖➖➖➖➖➖
🍽 Jacomax 🍽
📍 铜锣湾渣甸街50号渣甸中心地铺
☎️ 23350900
张贴
