Gelare (已結業)

近期都好钟意食waffle,记得有次经过望下佢d waffle都似几正咁,就去试下啦~~佢主打先系雪糕,咁我同朋友拣左个大waffle, 加两球雪糕,好贵呀...70蚊呀 (好似系加一球雪糕就18蚊,再加第二球就10蚊)...如果要加朱古力酱就加8蚊...太贵了...冇加到...雪糕呢,大约有十几款啦,本来想食开心果味,试左啖都几好,但朋友唔钟意食nuts,咁下次先自己食,哈!拣左chocolate brownie味雪糕同芒果雪糕...系要买左飞仔,自己揾位,佢整好就会拎黎咁...个waffle整得好靓好厚,唔会干净净,好香...跟住个朱古力雪糕呢都几好味,佢d雪糕呢唔同一般雪糕咁,有少少"烟韧"feel, 好rich 朱古力味, 而个芒果雪糕就仲好味呀,芒果味就唔算好浓但个雪糕质感几好...加埋个waffle一齐食,好enjoy呀,两个人食一个真系够晒...好漏喇~ 第日再去食呀!