Dot Cod Seafood Restaurant & Oyster Bar (已結業)

好耐之前已经嚟过，知道呢度逢星期三食生蚝半价 我哋七点钟嚟到happy hour，全部饮品都系买一送一Bar台位置系嘈到拆天!!!但系如果你入去里面坐就冇happy hour嘅买一送一㖞!唯有坐出面啦。。。逢星期三啲生蚝半价，但系其实半价咗之后都要成四十蚊一只🙄所以如果唔系半价我哋都唔会去🤪因为太肚饿嗌咗个鸡肉沙爹试下，系鸡胸肉几滑，但是沙嗲汁就麻麻地半价嘅生蚝点都要叫返半打试下嘅唔好以为半价会畀啲好细只，全部都好大只好creamy呢度嘅生蚝好有水准八点几朋友放工嚟到，我哋搬咗入去坐，都要静静地食餐饭倾下计最钟意食 linguine vogole,呢度整得几好食,好够白酒香