影片
更多
2022-10-26
153 浏览
好钟意嚟中上环揾食，因为呢头经常都会有新食肆进驻。最近又畀我哋喺皇后大道中揾到间新开嘅泰国餐厅。开放式门口，地方看似不大，店面窄窄长长，但原来入面全部都系以梳化卡座为主，座位阔落松动，坐得好舒服。翻阅餐牌，食物分门别类，选择甚多，另外亦有 Weekend Lunch Set 供应，2-Course $139、3-Course $159。餐厅不设加一，我哋每人点咗一个 Set。前菜有 5 款，选了猪颈肉配青木瓜沙律。猪颈肉烧得啱啱好，肉质鲜嫩、肥瘦合宜，食落外脆内 Juicy。垫底嘅青木瓜水准亦唔错，酸酸辣辣，非常醒胃。至于主菜就拣咗泰式船面 同 腰果鸡柳配白饭。船面即点即制，送上时仍热辣辣，汤色清澈略甜，带微微香料味，好适合怕太浓腻嘅朋友。面条选用了金边粉，质感柔软细薄，米味突出。配料有猪肉同肉丸，前者软嫩、后者爽口，食味不俗。另外呢碟腰果鸡柳亦值得一赞，用料十足，一点也不欺场。鸡柳没有因炒得过久而变老，依然嫩滑，配以香脆嘅腰果同爽口嘅三色椒，口感好丰富。嚟到甜品时间，有芒果糯米饭 同 香蕉卷，两款同时送上。糯米饭嘅摆碟都几靓，芒果大大件，分量十足，鲜甜又多汁。糯米饭烟韧软熟，沾上椰浆
好钟意嚟中上环揾食，因为呢头经常都会有新食肆进驻。最近又畀我哋喺皇后大道中揾到间新开嘅泰国餐厅。
开放式门口，地方看似不大，店面窄窄长长，但原来入面全部都系以梳化卡座为主，座位阔落松动，坐得好舒服。
翻阅餐牌，食物分门别类，选择甚多，另外亦有 Weekend Lunch Set 供应，2-Course $139、3-Course $159。餐厅不设加一，我哋每人点咗一个 Set。
前菜有 5 款，选了猪颈肉配青木瓜沙律。猪颈肉烧得啱啱好，肉质鲜嫩、肥瘦合宜，食落外脆内 Juicy。垫底嘅青木瓜水准亦唔错，酸酸辣辣，非常醒胃。
至于主菜就拣咗泰式船面 同 腰果鸡柳配白饭。船面即点即制，送上时仍热辣辣，汤色清澈略甜，带微微香料味，好适合怕太浓腻嘅朋友。面条选用了金边粉，质感柔软细薄，米味突出。配料有猪肉同肉丸，前者软嫩、后者爽口，食味不俗。
另外呢碟腰果鸡柳亦值得一赞，用料十足，一点也不欺场。鸡柳没有因炒得过久而变老，依然嫩滑，配以香脆嘅腰果同爽口嘅三色椒，口感好丰富。
嚟到甜品时间，有芒果糯米饭 同 香蕉卷，两款同时送上。
糯米饭嘅摆碟都几靓，芒果大大件，分量十足，鲜甜又多汁。糯米饭烟韧软熟，沾上椰浆，入口啖啖椰香，真系无得输。
香蕉卷炸至金黄色，食落相当香口，外脆内软，咬下去香蕉嘅香味不停涌出，趁热食，非常滋味。
跟餐饮品：泰式咖啡、青柠梳打 食完甜品仲可以慢慢叹埋两杯饮品先走，店员亦冇催促我哋离开，非常写意。
张贴
