影片
更多
2009-10-09
14 浏览
上星期我个为食friend话带我食好嘢，嚟咗呢间「胜手」。我问佢食乜？佢话食SHABU SHABU，好正㖞。去到一坐低，个款似食回转寿司多啲！再睇MENU，又立鱼汤又猪骨汤，心谂：你估而家港式打边炉咩，咁多款汤不如去有骨气！结果我个fd叫咗个黑豚配猪骨汤，都几正常嘅配搭，我就叫个牛肉upgrade版，试下佢地啲和牛，但当我想要清汤嘅时候佢地竟然话冇清汤，最清系个鱼汤，有冇搞错，食SHABU SHABU就系要用清汤，如果唔系就唔使食和牛，食美国肥牛咪得啰！算，唯有要个最清嘅鱼汤。Order完，原来张台面有机关，揭开你面前块木板有个圆形，跟住侍应就攞个铁兜放落去，然后就加汤！我fd个猪骨汤就冇乜猪骨味，但我个鱼汤就好重鱼（腥）味！一人一个铁兜，呢个场好似系专为单身人士而设，个个埋头苦吃，你唔好搞我𠮶兜，我唔会掂你𠮶兜，感觉非常之怪！黑豚同和牛分别上台喇，黑豚不过不失，和牛不敢相信，本地或美国肥牛都靓过佢，仲卖五百几蚊。碟菜，唔见得系咩日本蔬菜，有椰菜同类似小棠菜，份量亦少得惊人，佢可能怕啲客太饱食唔到啲肉。食晒啲肉同菜，跟住嚟乌冬。侍应将一个即食嘅乌冬解咗冻，放喺只碟上面摆喺我面前，我问佢
上星期我个为食friend话带我食好嘢，嚟咗呢间「胜手」。我问佢食乜？佢话食SHABU SHABU，好正㖞。
去到一坐低，个款似食回转寿司多啲！再睇MENU，又立鱼汤又猪骨汤，心谂：你估而家港式打边炉咩，咁多款汤不如去有骨气！
结果我个fd叫咗个黑豚配猪骨汤，都几正常嘅配搭，我就叫个牛肉upgrade版，试下佢地啲和牛，但当我想要清汤嘅时候佢地竟然话冇清汤，最清系个鱼汤，有冇搞错，食SHABU SHABU就系要用清汤，如果唔系就唔使食和牛，食美国肥牛咪得啰！算，唯有要个最清嘅鱼汤。
Order完，原来张台面有机关，揭开你面前块木板有个圆形，跟住侍应就攞个铁兜放落去，然后就加汤！我fd个猪骨汤就冇乜猪骨味，但我个鱼汤就好重鱼（腥）味！一人一个铁兜，呢个场好似系专为单身人士而设，个个埋头苦吃，你唔好搞我𠮶兜，我唔会掂你𠮶兜，感觉非常之怪！
黑豚同和牛分别上台喇，黑豚不过不失，和牛不敢相信，本地或美国肥牛都靓过佢，仲卖五百几蚊。
碟菜，唔见得系咩日本蔬菜，有椰菜同类似小棠菜，份量亦少得惊人，佢可能怕啲客太饱食唔到啲肉。
食晒啲肉同菜，跟住嚟乌冬。侍应将一个即食嘅乌冬解咗冻，放喺只碟上面摆喺我面前，我问佢呢个系唔系稻庭乌冬啊？佢好有礼貌地答我：系啊。离晒谱，稻庭乌冬点会好似个公仔面咁四四方方，有欺骗顾客之嫌！
最后由一个毫无诚意嘅雪米糍作终结。
想问下胜手个老板，究竟知唔知咩叫SHABU SHABU?? 你自己唔知都唔好当全部香港人唔知！
张贴