風月堂 (已結業)

今日同朋友约左去佐敦食饭，其实本身唔知食咩好，一出地铁站竟然俾我地见到对面有间风月堂，环境望落好舒服，大家决定入去试一试。我地一行六人order左2份 set Dinner，包括( 烧法式牛柳伴鹅肝多士配烧汁 ，鲜露笋带子紫苏酱天使面伴烟三文鱼)。2份厨师推介食物，(鲜蕃茄菠菜焗千层面，8oz 美国肉眼)。先讲2份set Dinner 系其中两个朋友话一定要order，原因系佢地杯跟餐咖啡讲到明系UCC咖啡，朋友试过话真系冲得好好，好香，重话尼重咖啡味道系香港好少地方饮到。而个牛柳鹅肝多士同带子紫苏酱天使烟三文鱼 个酱汁好特别好好味。另外个千层面真系值得一赞波菜、蕃茄同个面系一层一层咁叠上去，食落味道非常之夹，真系唔错。而个肉眼我地叫了七成熟，上菜时啱啱好，肉质好林非常JUICY加埋D配菜真系冇得顶!!!!!!  食完己经好满足!侍应再推介我地试过甜品Apple Crumble!!食完之后大大满足!!埋单每人都只系百几蚊，食满$350用Citibank咭找数重有拆添，抵呀！一定会再约朋友嚟食