影片
更多
2020-12-17
99 浏览
日本九州佐贺人气第一嘅烧肉店Yakiniku Kakura进驻香港，系黄埔落脚啦，而家疫情严重，有排都去唔倒日本，所以一众牛控一定要去黄埔潮圣，顶顶大家食高级和牛嘅欲望啦😆。由于而家禁左晚市堂食，所以今日特约埋家姐，大家请假都要去一去潮圣，来个下午套餐顶下引先，好彩预先订左枱，到步大约等左十几分钟，就安排入坐啦🤗。餐厅新装修，非常干净企理，入边一卡一卡，大约每卡有两张枱，每张枱都有一部抽力极强嘅抽气系统，食完成餐饭，件衫都全冇烧烤味，令我非常满意🤗今日同家姐order左两个烧肉定食，一个和牛，一个海鲜。首先店员送上饭，汤、前菜同沙律，前菜系厚切牛舌，肉质软滑带有口感；白饭都唔讲得笑，粒粒软淑，咬两咬，饭香同甜味慢慢浸出；清汤只须加点昆布同芝麻，清甜可口。🥩黑毛和牛大判烧盛合：🥢鹿儿岛A4和牛西冷 / 和牛里腹小排 / 牛背末脊肉；大大块A4和牛西冷系薄切，肉质细致，油花分布均匀，需要留意，只需系炉上趟两趟一转色就要夹起架啦，蘸埋蛋液一齐食，入口滑溜，油花甘香慢慢系口腔爆发，久久未散，真系好食得太过份啦😆。🥢和牛小排同脊肉，油脂丰腴，我个人喜欢只烧到大约4至5成熟，烧完一面再转另一面，只
由于而家禁左晚市堂食，所以今日特约埋家姐，大家请假都要去一去潮圣，来个下午套餐顶下引先，好彩预先订左枱，到步大约等左十几分钟，就安排入坐啦🤗。
餐厅新装修，非常干净企理，入边一卡一卡，大约每卡有两张枱，每张枱都有一部抽力极强嘅抽气系统，食完成餐饭，件衫都全冇烧烤味，令我非常满意🤗
今日同家姐order左两个烧肉定食，一个和牛，一个海鲜。
首先店员送上饭，汤、前菜同沙律，前菜系厚切牛舌，肉质软滑带有口感；白饭都唔讲得笑，粒粒软淑，咬两咬，饭香同甜味慢慢浸出；清汤只须加点昆布同芝麻，清甜可口。
🥩黑毛和牛大判烧盛合：
🥢鹿儿岛A4和牛西冷 / 和牛里腹小排 / 牛背末脊肉；大大块A4和牛西冷系薄切，肉质细致，油花分布均匀，需要留意，只需系炉上趟两趟一转色就要夹起架啦，蘸埋蛋液一齐食，入口滑溜，油花甘香慢慢系口腔爆发，久久未散，真系好食得太过份啦😆。
🥢和牛小排同脊肉，油脂丰腴，我个人喜欢只烧到大约4至5成熟，烧完一面再转另一面，只须底面小小烧至焦香，咁就可以锁住肉汁，中间仍保持粉红，肉质柔嫩且富有口感，牛味慢慢系舌尖直冲，塞满整个口腔。👍🏻
其实咁靓嘅黑毛和牛，真系烧到4-5成就系口感同味道发挥得最好👍🏻
🥩黑毛和牛大判烧盛合
5 浏览
1 赞好
0 留言
🦐海鲜盛盒
🥢帆立贝 - 盛载系锡纸盘，连同牛油一齐慢慢烧，牛油原全溶化做指标，帆立贝都差唔多7、8成熟啦，帆立贝烧完仲系大大粒，中间好juicy柔软，仲有浓浓牛油香味。
🦐海老 - 虾头紧紧连接虾身，成只虾红朴朴，胀卜卜，非常新鲜，烧至小小焦香，肉身弹牙鲜甜。
🐟乌贼 - 呢种鱼第一次食，肉质好特别，烧完鱼肉并唔会成件散开，反而仲非常挺直，味道好清，有咬口，第二件蘸埋柠檬汁，鲜味就跑出黎啦，所以见议落几滴柠檬汁钓起啲鲜味。
海鲜盛合
5 浏览
0 赞好
0 留言
🥢意犹未尽再追加一份牛舌，烧过嘅牛舌比起前菜牛味更加突出，而且仲多左份焦香。
最后每人一客甜品🍮，云利拿雪糕球同杏仁味奶冻，食完咁重味嘅和牛，食下雪糕可以清洗下味蕾；而杏仁奶冻真系好好味，入口杏味慢慢散发，跟住就有奶香，唔会太浓，整个味道balance得好好，奶冻非常绵密滑溜，好味😋。
最后值得一赞系店员服务非常有礼，尤其戴眼镜果位经理哥哥，礼貌周周，笑容满面，会主动同食客交谈，令食客好有宾至如归感觉，真心比赞👍🏻👍🏻👍🏻
张贴
