新記冰室

营业中

休息中

㖊日（23-1-2021 Sat）同老公去如心酒店前食个晏，原本想去荳子，但人多，而呢间冇咁多人，于是试呢间，我哋等6张枱都等咗25分钟，入到去，原来得9张枱，唔怪得要等咁耐，由于我哋睇定要咩嘢食就即嗌。我哋要咗$60.00嘅卜卜蚬汤乌冬，热柠茶，同$53.00嘅芝士汁猪颈肉煎蛋捞公仔面，同热奶茶。嘢饮到嚟，热奶茶顺滑，唔涩。芝士汁猪颈肉煎蛋捞公仔面好快到嚟，睇见芝士几厚，蛋唔太流心;猪颈肉爽口弹牙，重要有烧香过，好好味，份量重唔少;而原本惊芝士唔够，公仔面就冇味，但原来唔系，系好够，食到最后都仍沾满。卜卜蚬汤乌冬就耐啲到，一上枱已经嗅到蚬嘅香味，食吓，啲蚬又鲜甜，又嫩滑，而且都唔少，好正;不过都食到蒜头味，淡汤都正。