SMILEY CAFE with eGG (已結業)

笑一笑,世界更美妙。开心唔开心都要食饭喔, 今日走黎朗豪坊shopping , 见到呢间Smiley Cafe with EGG 真系好开心, 颜色缤纷同埋全部都系笑哈哈,咩烦恼都唔记得啦....朗豪坊上面有呢d 中价位餐厅算唔错丫,又有午餐食。我哋叫咗两个午餐再加多一个猪仔骨share食。餐汤嘅多士系直接放喺汤上面， 几得意。烟三文鱼蟹子意粉, 三文鱼肉多, 有蟹子 卜卜脆嘅感觉很有口感, 个汁 系好creamy猪仔骨肉就好松软无痴骨 , 表面嘅烧酱汁包晒成旧ribs, 都算好食 但可惜未有跟餐, 要散叫。烧鸡, 肉嫩, 烧得香，可惜细份 唔够饱。芒果沙冰, 似芒果布甸,芒果味超浓又多芒果肉。云朵紫薯牛奶 , 可爱到不得了, 一黎到急不及待搣个棉花糖黎食, 再饮紫薯牛奶就觉得佢唔甜,有点淡。最后... 我将食净半旧嘅棉花糖塞晒入杯牛奶度, 甜到就觉得刚刚好喇柠檬梳打, 简单 清新, 一饮就透心凉啰。下晏黎食午餐set 就系几Ok, 起码可以舒舒服服叹下, 唔使喺街多人迫。