影片
更多
2023-12-07
2770 浏览
相信有唔少人帮衬呢间餐厅都系因为睇咗YouTube某个Channel嘅介绍，我都唔例外。餐厅位置比较吊脚，天后站要行大约7分钟先到。餐厅门口𠮶自动门制系坏左既。环境 3/5 典型嘅小店格局，不过厕所空间真系好有限，基本上转身系会掂到马桶。服务 4/5餐厅得一位侍应，有礼貌，亦都有耐心介绍菜式，但感觉有少少公式化。食物3/5类似omakase 形式，事前唔会知道食咩或者有几多道菜。头盘 海鲜头盘 4/5有地中海虾，芒果蟹肉，炸虾丸，BB 鳗鱼几样食材都好新鲜，配搭构思都好虾软糯，蟹肉鲜甜，虾丸酿入左带子粒增加口感。鳗鱼经过烟熏，同平时蒲烧鳗鱼食落去有唔同嘅感觉。海鲜汤 4/5大厨本身钟意出海捕鱼，呢个海鲜汤系佢每朝用捕获嘅海鲜煲出黎。个汤嘅基底好似龙虾汤，但会有更多唔同海鲜嘅鲜味。配料就有一只蛏子，同埋啲鱼肉。个人认为如果有埋虾肉，蟹肉或者系带子会更加好。海胆酱意粉配带子 1.5/5个海胆酱有啲唔新鲜海胆嘅味道，之后问返原来系用海胆酱，但相信内货嘅品质都普通。意粉质地唔错，带子得一粒，同埋个面煎得唔够香脆。烟熏乳鸽 3/5出嚟个效果卖相几靓，烟熏味香，乳鸽肉质尚算嫩滑，但个人比较喜欢烧乳
餐厅位置比较吊脚，天后站要行大约7分钟先到。餐厅门口𠮶自动门制系坏左既。
环境 3/5
典型嘅小店格局，不过厕所空间真系好有限，基本上转身系会掂到马桶。
服务 4/5
餐厅得一位侍应，有礼貌，亦都有耐心介绍菜式，但感觉有少少公式化。
食物3/5
类似omakase 形式，事前唔会知道食咩或者有几多道菜。
头盘 海鲜头盘 4/5
有地中海虾，芒果蟹肉，炸虾丸，BB 鳗鱼
几样食材都好新鲜，配搭构思都好
虾软糯，蟹肉鲜甜，虾丸酿入左带子粒增加口感。鳗鱼经过烟熏，同平时蒲烧鳗鱼食落去有唔同嘅感觉。
海鲜汤 4/5
大厨本身钟意出海捕鱼，呢个海鲜汤系佢每朝用捕获嘅海鲜煲出黎。个汤嘅基底好似龙虾汤，但会有更多唔同海鲜嘅鲜味。配料就有一只蛏子，同埋啲鱼肉。个人认为如果有埋虾肉，蟹肉或者系带子会更加好。
海胆酱意粉配带子 1.5/5
个海胆酱有啲唔新鲜海胆嘅味道，之后问返原来系用海胆酱，但相信内货嘅品质都普通。意粉质地唔错，带子得一粒，同埋个面煎得唔够香脆。
烟熏乳鸽 3/5
出嚟个效果卖相几靓，烟熏味香，乳鸽肉质尚算嫩滑，但个人比较喜欢烧乳鸽。
甜品拼盘2/5
感觉应该系来货，有伯爵茶芝士蛋糕，雪芭，朱古力慕丝。这样嘢质素都普普通通。
其实最大嘅问题就系系个餐牌嘅设计，如果加多一样肉类成个观感会好好多。同埋面包系比面包条，店员仲话系用嚟配衬个汤，但根本就同个汤完全唔夹，因为吸唔到啲汤汁。
有YouTube推介应该会吸引到唔少人帮衬，但如果食物方面保持唔到质素都好难有回头客
53 浏览
0 赞好
0 留言
49 浏览
0 赞好
0 留言
37 浏览
0 赞好
0 留言
41 浏览
0 赞好
0 留言
40 浏览
0 赞好
0 留言
张贴
