正宗上海生煎皇 (已結業)

一行四人，7点左右黎到，店舖面积小，等左十分钟左右就有位。我地冇叫套餐，全部都系单点小食，希望可以试多几款。第一样必点既就梗系生煎包，热辣辣，个包底仲有小小脆。生煎包足料多汁，一咬落去就有D汁流出黎，正!灌汤小笼包就唔够灌汤，肉料足够，但未够JUICY，冇话同出面上海菜馆既有太大分别。鸡丝粉皮好食，个酱汁味道够香浓，将鸡丝同粉皮捞埋一齐，真系一碟食过番寻味既冷盘。另一碟冷盘凉拌青瓜海蜇，青瓜横行，得个几条铺满蒜溶既海蜇摆面，味道较淡，有微微辣。炸排骨味道普通，完全冇特别，同埋我觉得有点儿细碟，依碟唔太抵食。最后一样美食就系香酥饼，我地拣左芝士配肉松，剪开左四份，份量刚好。用料足够，松脆可口，芝士配肉松是好味道的。最后每人叫左一杯豆浆，埋单都系每人$60，虽称不上完全饱肚，但都足够。之后再起行加多碗糖水，饱晒。