龍逸軒

营业中

休息中

细路终于考完DSE，佢之前话想食自助餐。我俾咗几个地方佢选，估唔到佢最终选咗龙逸轩。今次用酒店网购优惠，两小时用餐。我哋一行四人约咗11-1，去到连我哋有五枱，坐近窗口，望到对面海。先开壶龙井，茶香，起码闻落知系龙井。我妈食素，估唔到有咁多素点心，同肠粉，佢好耐未试过饮茶可以食饱，齐舖除外。老爸有啲失望，因为当日冇猪脚仔。不过佢好钟意虾饺同脆豆腐，encore咗一次，其余嘅点心，未能encore，心表遗憾。椒盐鱿鱼须，细细条，好脆，饮啤酒一流。时蔬系菜心，好嫩。唔驶用较剪，老人家都食到。雪耳鱼蓉羹好好味。可能疫情退减，甜品去对面倚窗阁攞。有movenpick雪糕，朱古力、云喱拿同strawberry ，再加Dreyer’s雪条。另外有梳呼利、鲜奶蛋白、豆腐花、芒果拿破仑、杞子桂花糕等。最过分系两老，一个食咗两杯芒果布甸，一件桂花糕加一支雪条。一个食咗两件拿破仑、一碗蛋白、一件桂花糕、一支雪条加一盒strawberry ice-cream。当日服务态度非常好、非常感谢。到12点左右，都八九成满，可以keep到咁好服务，实属难得。