滿地可餅店

营业中

休息中

今日经过黄埔站对出嘅呢间面包舖，闻到超级香，咁啱见到有麻糬波波新鲜出炉，就即刻冲入去，但系其实成间舖头入边已经劲多人等紧，佢呢度有三只味：黑芝麻、原味同埋开心果，我钟意呢度嘅开心果唔会太甜，黑芝麻当然都好够香啦，不过最重要都系个口感，始终新鲜出炉，成个胀卜卜咁样超级好食。另外见到有一个香辣松松包，觉得都几特别就买埋返屋企食，返到屋企一打开个袋已经闻到香香甜甜嘅味道，好落面包松软，肉松亦都好好味，呢个配搭嘅特别。另外因为呢个周末都约咗长辈食饭，唔使两手空空，见到佢哋都有埋罐装蝴蝶酥，包装都相当得体，就买咗两盒盒，一盒拎返屋企食，另外𠮶盒拎去送礼！蝴蝶酥好酥脆，下次一定会买来送礼，以呢个价钱，绝对高质！走之前都见到有好多劲得意嘅蛋糕，下次一定会买嚟送俾小朋友。