太二老壇子酸菜魚

营业中

休息中

星期日中午12点几入到嚟，七个大人一个细路，安排咗圆形嘅枱， 坐得上算舒服，少少逼夹啦。🤫入嚟可以自己拣陈皮或者洛神花， 然后冲滚水， 自己调配啱味道的茶🫖。餐厅柜桶有备独立包装嘅牙线，又有唔同头嘅叉电线供应，俾你为自己部手机叉电，几细心。仲有个求签筒喺度，小朋友觉得好好玩💗，入面啲签唔系吉就系大吉。我哋八个人嗌咗: 好冇骨气凤爪，虾仁娃娃菜 ，笑茄茄芝士牛腩，夫妇肺片， 大满贯小吃拼盘，马蹄好椰清补凉， 干葱菌菇灼菜心， 蛋酥软糍粑，奶冻绵绵红豆沙，脆椒小皮蛋， 老坛子酸菜鱼三至四人份，同埋一碗饭(12蚊)。大部分食物都系辣嘅🌶，唔食辣嘅朋友就冇咩菜式选择喇~最好味系个酸菜鱼😋，鱼片非常之滑同埋软绵绵咁， 份量十分足。嘢饮都好好饮🥤，𠮶杯清补凉冇凉茶味，仲好有椰汁味道，个小食拼盘入面嘅虾片出奇地好味，夫妻肺片辣得嚟都好惹味， 大致上食物above average💯， 8人 总共食咗1135蚊 (9个𩠌菜一碗白饭加3杯冻饮)。 8个人喺香港来讲C P值算几高啦~ 有机会下次再嚟。