Chef's Stage Kitchen

营业中

休息中

住喺将军澳天晋的朋友极力推介，话虽然呢排香港的饮食业唔多掂，但佢楼下呢间”chef's stage kitchen “就日日很多人，咁一于呢日就来试吓喇。怕烦，嗌咗个DINNER SET FOR 2最最简单，叫咗餐汤系鸡肉周打汤，意想不到的好饮，沙律就系生果沙律，有柚子，橙，有青瓜，有车厘茄，当然唔少得沙律菜，全部都非常之新鲜，所以加少少意大利醋已好好味。海鲜控的我时时刻刻挂住海鲜，因此头盘就有“香煎珍宝带子及烟三文鱼酥皮馅饼”， 珍宝级的带子鲜甜柔软， 咸嘅馅饼有特色，相得益彰；主菜有扒有龙虾，这就是“牛西冷炭烧谷饲澳洲肉眼扒拼香草牛油焗波士顿龙虾尾” 配烧汁&薯菜，牛扒五成熟，可见到粉红色的质地，而龙虾食惯中式煮法，今次嘅西式焗煮做得好好，龙虾啱熟好嫩滑；贯彻始终的另一主菜依然海鲜，佢就系“墨鱼汁鲜带子海虾扁意粉”，新鲜煎得微焦的带子海虾劲有海洋的味道，两杯饮品系Guava 和Cranberry juice，一酸一甜随你钟意。