Tiger Ramen

营业中

休息中

呢个新落成嘅启德商场其实都有好多嘢食，今日经过见到food court都好靓，亦都有好多卡位嘅梳化位，又多植物，所以俾人个感觉好正，好舒服。我行咗一个圈，同朋友两个都决定食老虎拉面，呢间好耐之前喺香港岛𠮶边有食过，已经觉得超好食，所以今日见到就一定要再食多一次！叉烧沾面加多一块叉烧 （$78＋$12)呢个价钱其实都几抵食，另外个沾面浓度刚刚好，面嘅软硬度亦都掌握得好好，好快就清晒所有酱汁，另外套餐再加$12就可以配埋个叉烧炒饭同埋一杯绿茶，唔好睇呢度主菜系食拉面，个炒饭都系个灵魂，同我好多年前食嘅炒饭一样，味道唔会过咸，但系好浓郁，炒得粒粒分明之后就叫咗个黑老虎酱油拉面系列嘅豚肉特盛拉面配炸芝麻鸡翼，啲肉烧得刚刚好，有轻微嘅甜味，加埋汤头上面有白芝麻，令到佢更加香，汤底亦都有黑蒜，所以好浓郁，只蛋就更加唔使讲啦，超级好食。