麺屋こころ (新城市廣場一期)

营业中

休息中

最近朋友带咗我嚟沙田食一间超好食嘅日本过江龙美食，佢就系麺屋こころ，香港都有几间分店，我一嚟到就觉得呢度好光猛，坐得好舒服，食完之后都觉得好好食，绝对推介俾大家！饮嘢方面，当然要叫日本最好饮嘅抹茶拿铁，呢度入口顺滑，而且抹茶味唔会好假，反而真系食得出有少少金味，真系饮得出用咗日式抹茶粉。朋友𠮶杯岗山乌龙茶我都有试咗一啖，唔会太浓，冻饮就觉得好清新。嚟得呢度梗系要食捞面，所以我哋叫咗两个分享，一个就系咖哩炸鸡捞面，而另外一个就系盐味捞面。个咖喱我觉得味道都唔错，食得出有层次感，唔辣，炸鸡翼都炸得好酥脆，炸鸡同咖喱真系绝配。而佢嘅生鸡蛋都可以用来做沾酱，面嘅口感都好烟韧。盐味捞面看似简单，其实食落都绝对唔会单调，真系有少少咸味，但系咸味味嘅浓度控制得好好，食落真系好上瘾。