影片
更多
2024-06-14
165 浏览
今日又黎到铜锣湾去到好多美食既登龙街揾野食先，今次上网揾左间食串烧既餐厅试下先，一入到去木系居酒屋既装修设计，热闹既环境感觉好有FEEL，虽然系串烧餐厅但系感觉唔到油烟味，原来系有玻璃隔住可以见到师傅不停烧出晒烟，但出面既食客闻唔到油烟依方面劲钟意，唔驶食完成身烧烤味带返屋企💯食物方面最主打既系鸡🐔，差唔多鸡既每一部位都有得食，有好多都未食过，另外仲有牛,猪,海鲜,前菜,扬物,饭面,野菜,沙律,甜品，同食串烧唔可以无既.....酒🍻鸡软骨+鸡心🐤：鸡软骨同鸡心都好香脆，一口咬落去有个脆脆嘅质感同时都有啲嫩滑嘅口感，鸡软骨爽脆加鸡心内软每边一啖几过瘾。鸡柳(芝士)+鸡腿🐔：鸡柳同鸡腿都系啖啖肉肉质鲜嫩，鸡柳既芝士融化嘅滋味好浓郁，带出一种浓浓嘅奶香味。鸡翼🐣：正所谓烧鸡翼我钟意食，我真系好钟意食，呢款鸡翼炭烧得刚刚好，外皮微焦有焦香，入面肉质咬落去有汁出，好有炭烧嘅独特风味。免治鸡肉棒🍳：免治鸡肉棒配上日本月见蛋，依个组合既配搭系出奇地正，加埋日本精酒系更完美，咬一啖饮一啖。炭烧白鳝🪱：炭烧白鳝依个真系冇得输，系我至爱既其中一个，皮脆得黎咬落去既肉质比鳗鱼更幼滑，而且冇骨，如果唔系太饱依
食物方面最主打既系鸡🐔，差唔多鸡既每一部位都有得食，有好多都未食过，另外仲有牛,猪,海鲜,前菜,扬物,饭面,野菜,沙律,甜品，同食串烧唔可以无既.....酒🍻
鸡软骨+鸡心🐤：鸡软骨同鸡心都好香脆，一口咬落去有个脆脆嘅质感同时都有啲嫩滑嘅口感，鸡软骨爽脆加鸡心内软每边一啖几过瘾。
鸡柳(芝士)+鸡腿🐔：鸡柳同鸡腿都系啖啖肉肉质鲜嫩，鸡柳既芝士融化嘅滋味好浓郁，带出一种浓浓嘅奶香味。
鸡翼🐣：正所谓烧鸡翼我钟意食，我真系好钟意食，呢款鸡翼炭烧得刚刚好，外皮微焦有焦香，入面肉质咬落去有汁出，好有炭烧嘅独特风味。
免治鸡肉棒🍳：免治鸡肉棒配上日本月见蛋，依个组合既配搭系出奇地正，加埋日本精酒系更完美，咬一啖饮一啖。
炭烧白鳝🪱：炭烧白鳝依个真系冇得输，系我至爱既其中一个，皮脆得黎咬落去既肉质比鳗鱼更幼滑，而且冇骨，如果唔系太饱依个可以叫多几串。
香脆鸡皮配香葱酸汁🐤：香脆鸡皮依个我几钟意。鸡皮炸得金黄酥脆，配上香葱酸汁，带出一种酸酸甜甜嘅味道，劲岩开胃小食。
味噌松坂猪🐷：松坂猪肉质唔会嚡口，味噌酱汁带出一种浓郁嘅味道，同猪肉好夹。
盐烧牛舌芯：盐烧牛舌芯，又系我好钟意既。烧牛舌芯，真系唔系间间都烧得好味，配上盐嘅调味，带出牛肉嘅原汁原味同嫩滑口感。每一口都令人陶醉。
A4盐烧和牛三角腩🐂：但系讲到今餐饭我最最钟意既就系呢款A4和牛三角腩烧得恰到好处，外层微焦，和牛肉质细腻，入口即化，带出一种浓郁嘅牛肉香气同口感。盐烧嘅调味令味道更加突出，绝对系必叫之选。
麻薯卷：麻薯卷咸咸甜甜嘅味道。再加埋可以拉丝拉到好长，又有得食又有得玩，麻薯外层绵密软滑。
翠玉瓜+粟米🌽：翠玉瓜同粟米系我串烧成日都会叫既蔬果类，依度烧完都仲系香甜多汁。保持到粟米嘅甜味同脆口。烧既时间控制得好好
明太子烧淮山🐠：又一款我好钟意既，本身烧淮山比较小食，但系见到佢明太子就叫黎食下，一黎到好似唔驶钱咁既明太子多到呢🤤🤤🤤仲要表面微微焦。加上好大旧既淮山，一啖都系紧紧可以放晒入口，明太子酱汁带出一种好浓郁嘅海鲜味，原来同淮山嘅鲜甜结合得咁出色。
田乐烧茄子🍆：呢款同我幻想有出入，之前食开既烧茄子都系一条过，不过依度系切条，茄子烧得软熟，保持住茄子嘅滑嫩口感。加上田乐酱汁带出一种好浓郁嘅鱼香味又几得意
焦糖蕃薯配雪糕🍠🍧：焦糖蕃薯烤得金黄酥脆，上面既焦糖脆卜卜同蕃薯一齐食甜度岩岩好。配上清凉嘅雪糕，真系好开心嘅组合。
梅酒ON ROCK🥃：食串烧点可以唔整返D酒精享受下先得架。不过今次唔叫清酒试下梅酒，好浓郁嘅梅子香气，入口滑顺，有啲甜味。易入口得黎同串烧都系一个唔错既配搭，不过同班FD就一定叫清酒，饮饮下既气氛一定更加好
整体上服务几好，9成食物都烧得好有水准，虽然当日好多客人但系烧既速度都好快，叫完坐一阵好快就开始不停送过黎👍
张贴
