勝利茶餐室

营业中

休息中

未落車啊媽遠處見到呢間勝利就已經話佢個豬扒包好出名，於是就決定試吓佢個早餐。佢早餐都有常餐啊麵啊嗰啲，不過都偏貴大概四十幾到五十蚊左右，咁我就寧願單嗌豬扒包食吓啦。點知見到隔離枱妹妹個西多士好似好正，就叫埋西多士試試佢。一上枱就覺得個豬扒包好有份量，長到個碟都裝唔落咁。個豬仔包底有烘過，少少脆脆地夾埋炸豬扒嘅油就啱啱好，唔會太乾。炸豬扒醃得好入味，咁啱我呢份係無骨嘅，啖啖肉超幸福。不過我一個人就食唔晒一份啦，建議女仔都係兩個人分，唔怕肥又唔怕浪費食物。西多士就賣相好靚，其實味道都唔差，只不過入面無花生醬所以有少少失望。我覺得無花生醬嘅西多士真係好dry啊～～佢西多上面仲有好大塊方型牛油，完全係igable，打卡一流! 不過我就唔會再嗌嚟食啦。

夜晚放工，唔想食普通粉麵飯，係新馬路行下行下，黎到勝利茶餐室門口~~~雖然話之前食過勝利茶餐室幾次，但發覺原來自己都無咩試過他們既豬扒包同其他小食，既然如此，就擇日不如撞日啦~~~當晚夜晚食客唔多，可以比我靜靜甘睇下食咩好，但因爲太夜既關係，豬仔包已經賣曬，所以唯有改叫豬扒三明治加件西多士再配一杯奶茶~~~先講首先上台既奶茶，係屬於茶味較濃既口味，同奶撞起上黎飲落去質感偏滑~~~西多士炸完夠鬆軟同香，但唯一可惜既係麵包裏面無花生醬做餡料（無法~~自細喜好無得改變），如果唔係會更加分~~~上面兩款個人認爲係一間有番甘上下知名度既茶餐廳既應有水準，但真心想讚下他們既豬扒三明治~~由於係新鮮炸，加上麵包有稍微焊過，所以一拿上手已經係熱辣辣~~冬天食就對了~~豬扒雖然係炸過但唔油膩，仲要夠大塊有肉汁，之前有聽過其他朋友講過話餐廳既豬仔包偏乾同硬，如果係甘，個人建議可以轉為食豬扒三明治，麵包會相對軟身少少同無甘乾~~~

公眾假期前夕見到有平價澳門套票，所以即刻買黎同母親大人過大海輕鬆下。勝利茶餐廳係每次去澳門都必定幫襯嘅茶餐廳，貪佢抵食之餘，味道唔錯又近大三巴景點。我地兩點幾到澳門半島後，立即去勝利醫下肚再上大三巴影相。由於係母親大人第一次去澳門，當然推薦佢試最出名嘅豬扒包啦！而我自己就叫左西多士食。為左方便客人些牙，D豬扒包上台前已切開左兩份，不過我地都係每人食一個，可能真係太肚餓啦！呢度嘅豬扒包同其他地方唔同嘅係佢D豬扒係炸嘅，而其他店係煎嘅。個人覺得各有各好啦，炸嘅香口D，不過表面較硬，母親大人食果陣話好似整損左口腔。由於係炸嘅關係，個包比較乾身少少，所以食一啖都要飲下飲品先得。個人比較中意食西多士，因為我發現呢度嘅西多士炸得好鬆軟，而且蛋香濃郁，絕對係食過最好味之一！非常推薦 ！

網上搜尋到依間既豬扒包幾特別 臨去大三巴之前黎試下先一入去已經覺得係一間好傳統既茶餐廳豬扒包果然好正！豬扒大大塊 係吉列炸豬扒但係一啲都唔乾 幾juicy下～應友人要求叫左個西多士一般西多士咁啦 都好食既冇乜特別西扒餐超乎想像既大份！大大塊扒 仲有2塊！品質都好食！芝士味濃 薯仔都煮得幾淋～不過雞扒一般 有啲「柴」埋單5個人比左$300有找 唔算貴總結：好食～食過返尋食～

係OR睇到好多人嚟幫襯，而我亦未試過吉列豬扒嘅豬扒包，所以專程由氹仔坐的士過嚟新馬路試...可能平日關係，雖然舖內差不多坐滿，但仍然好快有檯。一坐低仲見到有下午茶叫，咁就一於唔好諗...下午茶...豬扒包，西多士...最緊要配凍飲！(外面34度天氣呀！)等咗一陣，先嚟個西多士。一見到佢外表炸得好靚，而放係檯面都聞到佢嘅香味，急不乃待即加糖漿食囉。結果真係好好味！到差不多食完個西多，豬扒包又到。個包好脆...豬扒味道適中，吉列嘅外皮亦唔厚。所以咬落好正，味道配合得幾好。最重要加埋凍飲真係無得頂！絕對係係新馬路行街嘅一個優閒加油站！一定會再嚟...因為見到好多人叫鐵板扒類...望落就好正好想試，唯有下次啦！