全勝咖啡美食

营业中

休息中

澳門有很多出名美食，應為人所熟悉。這次遊走澳門期間，下午茶時間選擇這間看看有什麼茶餐。澳門的下午茶茶餐與香港的，在款式上略有不同，香港茶餐多有薯條配搭，以輕食為主。價錢上相比普通香港下午茶餐為高。因肚餓關係，最後選擇了咖喱牛腩麵。咖喱牛腩麵未開動前，已聞到香濃牛腩汁味道，麵質幼細彈牙，是我喜歡的幼麵質感。而牛腩烹調夠腍，入味非常。在沒有預期期望、只為填飽肚子情況下，牛腩麵有驚喜。然而個人感覺，下午茶茶餐價錢略高一點，但對比賭場內的食肆，已經算便宜。

呢間茶餐廳都幾隱敝只開7:30-17:30, 所以我只好黎呢度食早餐, 響葡京附近, 呢度真係算好平!黎澳門食粉粉, 梗係唔可以唔試牛尾湯通粉啦! 好在呢度彈經營, 雖然冇港式早餐般有多碟蛋蛋, 但都可以$4加蛋/腸/腿/餐肉, 比著第二間, 得散嗌腸仔煎蛋要成$16呀!一上檯, 係冇牛尾既!!!! 其實佢得少少碎牛尾肉, 唔似得葉熾記咁三大舊牛尾, 但人家要$30淨粉冇飲品喎! 呢度只係$23連熱飲, 不過d肉真係少左d, 好在有加餸...第一樣梗係先試個湯, 好好飲, 味道非常適中, 唔會好濃好杰漿咁, 但又好有牛尾湯味~再試試肉碎, 終於知點解變晒碎! 咁細粒肉仔都可以發出好強烈既牛味! 味道仲重過沙嗲牛肉通既一大塊牛! 雖然肉少, 但真係夠食, 一路飲湯一路食通粉其實已經夠, 中間有咁勁既肉碎吊味, 已很滿足的說... 加左腸蛋, 我認我大食, 但隻蛋果塊脆脆邊煎得好好! 就算泡響碗湯度都依然鬆脆香口! 值得一讚!順帶一提, 呢度既奶茶極為好飲, 茶味好重好香濃, 係我響香港澳門咁耐最好飲既一杯! 記住唔好咁多奶...