六記粥麵

营业中

休息中

差不多八點才到達碼頭, 立即坐巴士到十六浦。安頓好後隨即出發去六記, 看過地圖, 出酒店門口轉左向油站方向一直行幾個街口, 走到路口會見到有檔炒麵, 就是很有名的細龜炒麵, 轉入去就是六記。要謹記六記6:30pm才開門, 門口放了很多蟹, 看見店員都忙著煮生滾粥。樓下只得六七檯,夠光猛和企理。來之前已不斷留意食評, 看看有什麼是必食, 盤算著怎樣叫才能試到最多東西。 剩雲吞$17:一碗有七粒,每粒都拖著漂亮的尾巴, 皮薄, 但其中有隻穿左,餡料有蝦和豬肉, 很鬆軟不實身, 湯底很鮮甜, 很有蝦味。 炸鴛鴦$34: 炸雲吞和鯪魚球各有五件, 兩樣都試勻。原來雙併的雲吞和錦鹵雲吞不同。配的是喼汁, 雲吞皮較厚身, 但一樣香脆, 炸得乾爽不會油淋淋, 包的是蝦肉。鯪魚球沾滿米粉粒, 更加脆口, 內裡的魚肉彈牙有魚味, 但不會腥。用筷子點些蜆蚧試試, 非常之咸, 但配鯪魚球吃就剛好。 鳳爪蝦子撈 $28: 鳳爪炆到好稔身, 仲夠入味, 醬汁甜甜地。平時好少吃手打竹昇麵, 這次終於見識到。麵條無太多鹼水味, 但好彈牙煙韌, 淥的時間o岩o岩好, 不會稔身,好乾爽, 但又不會一夾就成箸。蝦子

八月初一‧炎熱 如果說吃麵，澳門一各較出色。箇中原因，是因為還有不少店子還會做竹昇麵，而且還會花時間去褪鹼水，令麵身更爽彈好吃。在香港，能花上功夫去壓竹昇麵的已少，肯花時間去做麵條的後期處理就更如鳳毛麟角。所以來到澳門吃東西，吃麵是少不了的項目。 在眾多麵家之中，除了食家皆推祟的祥記，六記也是名家。這裡還是堅持持晚上六時半才開舖，支持者仍眾，如像是日周六晚來到，橫跨三個相連的舖位也是座無虛席，好不容易才搭檯坐下來。 要了一碟薑蔥撈麵及白粥，另外見有鳳爪豬腸，又要了一客。 白粥先來，令人失望的是也有味精的味道；蔥撈麵隨後至，薑絲及蔥絲皆刴得幼細，但吃起來卻沒有竹昇麵的口感及效果，令人失望；粥及麵皆不滿意，反而最後的一味小菜雞腳豬腸卻很不錯。豬腸味道甘腴可口，令人一件接一件不停的吃；雞腳帶甜，炆得夠稔身，吃起來不錯的； 結果這一味雞腳豬腸，還打包了一盒回港慢慢吃，仍很回味。 埋單56蚊，麵令人失望，粥也一般水準，獨是炆豬腸最令人喜出望外。 想看足本食評及食物相片，請參考我的網誌： http://gourmetkc.blogspot.com/2009/09/blog-post_20.h

响對面細龜食完之後,黎到呢到買消夜返酒店食 !嗌左招牌既米通鯪魚球...魚雲粥...咖哩豬皮魚蛋 !魚雲粥好多魚雲,粥底唔錯 !咖哩豬皮魚蛋完全唔掂 ! 米通鯪魚球勁正 ! 粒粒乒乓波咁大 ! 因為大粒既關係 ! 好有口感 ! (值得一試)

見食評也是非常讚的，所以選了它來作今次澳門之旅的最後一站，所以也對它是很有期望的。店子好像是六時多才開門，早了一點來碰碰運氣，怎知道是開了，但是是開了給員工在圍枱吃晚飯，對等着的食客們，也是由得我們等的一副模樣，也不要緊，讓他們先吃吧，畢竟是自己早來了一點，就先坐着看看餐牌。雖然說是當晚餐，但因為今天也真的是吃不停，所以也是遵循精英制的，盡量選最出名的來吃，也要盡量點少些份量，多些款式來試，所以最後點了心水想試的蟹粥及蝦籽撈麵，另外見有炸鴛鴦，即錦鹵雲吞及米通鯪魚球雙拼，可一次試兩種東西，所以也點了來吃，最後就是有支冰凍的啤酒來打打氣，解解渴。先來也是一支冰凍的青島啤酒，也是順喉易喝，沒太強的香蛇麻草味，不會太過苦澀的一個品牌，配起炸物炸鴛鴦來吃，非常不錯。先談那炸鴛鴦，錦鹵雲吞也是大大隻的，是傳統的皮多肉少的炸雲吞，其實也主要是吃其脆薄的炸雲吞皮及錦鹵汁，可是今天的真的讓我好生失望，不但雲吞皮是不脆不薄的，錦鹵汁更根本是喼汁來的，一般在香港吃的，有蝦仁、青椒及洋蔥等東西，我不假意吃沒有配料的錦鹵汁，但也不要給的普通的喼汁嘛，最後吃不下也是放棄了它，吃不光。至於另外的米通鯪魚球是挽回了

第一次來，從開鋪至坐下等了二十分鐘才開始有菜上，全店默默的等待，果然厲害。鳳爪蝦籽撈麵，鳳爪很入味，入口即離骨，好食。蝦籽下得很鬆手，麵較有彈性，很難才可分開，與眾不同。水蟹粥，很棉的粥，充滿了蟹香，有不少蟹黃碎在粥內，和平常吃的蟹粥有點不同，更有鮮味。炸鴛鴦，即雙雲吞拼炸鯪魚球，鯪魚球上有米通，更加脆，非常彈口。雲吞也很脆，但好像有錦鹵汁會更完滿。吃了這麼多東西，才一百一十元，澳門果然不會食窮人。

來沙梨頭連掃兩店. 先到六記. 沒有冷氣的室內地方, 都幾熱, 人客不少, 也坐得幾逼.蝦子撈麵: 8分, 份量不大, 但下了相當多的蝦子, 真係啖啖都係蝦子, 夠鹹香, 喜歡吃蝦子的一定滿足. 麵條沒有鹼水味, 但不算好彈牙, 也偏乾身了點.珍寶炸錦鹵雲吞: 7分, 真的相當大件的雲吞, 叫珍寶也不足為過. 炸得係幾脆的, 但係粉比較多, 雲吞餡的比例就比較少了. 感覺好像係為大而大, 其實細一點反而更好. 個汁甜甜酸酸的, 幾濃. 兩個人要吃8件實在太多, 最後也剩下兩件.蝦子撈麵是不錯的, 但錦鹵雲吞就真係太大件. 另外見人家叫雙拼, 一早知就不用吞掉四大件錦鹵雲吞. 鳳爪好像很受歡迎的, 臺臺都叫, 不知味道如何呢?蝦子撈麵 $19 + 珍寶炸錦鹵雲吞 $45 + 菊花茶 $7 x 3 = $85

看过评点才去的，不过唔系想像中甘好吃，虾子面有点乾虾子香味出不来，或许还是放一点点汤才会好吃点，米通鱼球甘炸法个人认为唔好吃而且太热气，凤爪可以，不过澳门街很多地方都吃到，唔系甘特别，总结有点名气大于实，不过试下都无所谓，但唔再回头了。

上週到馬交跑了一趟,算是渡蜜月吧!晚餐食了勾趐,雖然好飽,還是抵住六記的誘惑!蝦子麵: 很爽口, 好好味! 外賣沒有堂食好!雲吞: 沒有大大的蝦, 但很好味!蟹粥: 好甜, 又是好好味! 雖然好飽, 都要食呀!炸雲吞拼炸鯪魚球: 新鮮炸起, 特別好味! 沒有厚厚的粉, 正呀! 但怕熱氣, 每款食一舊!大腸拼鳳爪: 很入味的鳳爪及大腸! 下次都會再去!

蔡生嘆世界其中一間。嗯...佢真係好有原則，講到明 6:30pm 開門。但你可以去隔離六記咖啡坐住先。隔離檯有得偷步食粥先好唔 gur 囉。因為趕時間，結果夠鐘即刻衝過去落 order。叫了五味：米通鯪魚球 $35、珍寶炸錦鹵雲吞 $45、水蟹粥一碗 $45、蝦子麵 $19、豉椒抄蜆 $35。米通鯪魚球 - 大大舊，外面有米通有 d 蔥係入面。無腥味，算彈牙，不過覺得祥記好味 d 。水蟹粥 - 一碗都好大啊。仲有一隻蟹係入面，極鮮蟹味同埋好綿的粥，蟹肉亦很爽。珍寶炸錦鹵雲吞 - 佢個甜酸醬加左豬肚，一直都唔食內臟的，試了一舊的都幾爽。個錦鹵雲吞很脆但不會覺得油膩，餡有豬肉同蝦。蝦子麵 - 多蝦子但 d 竹昇麵不夠祥記的爽，但它的不均勻睇得出係手打的。豉椒抄蜆 - 個汁做得好，少辣得黎惹味，蜆亦不會像香港般得個殼。d 蜆既 size 比較橫不知是何種品種。$35 食到咁多蜆，真係爽爆！于願足矣。

同老公一路由議事亭行到去六記，當時都未夠六點，見到佢地準備開飯，我地唯有喺佢對面既碼頭仔度行黎行去。六點三左右，見到有其他人黎到，仲入左去鋪頭坐，我地即刻跟埋入去，呀姐叫我地等等，話六點半先正式營業。無人理我地之下，我地自己走去拎餐牌，諗好晒食乜。六點半未夠已經坐左五六枱客，一夠鐘呀姐就走入黎，逐枱落單。我地叫左：1）鳳爪拼大腸：大腸雖然超肥，但好焾好入味；鳳爪就更加唔洗講，一放入口就可以吐番啲骨出黎，跟本唔洗用力咬！2）水蟹粥：話明水蟹，預左隻蟹無乜肉，點知肉地又出奇多，個粥好綿好鮮甜，唔錯！3）炸雲吞拼米通鯪魚球：炸雲吞都幾脆，只係個餡略小；鯪魚球個面夠脆，肉質好彈牙。4）雲吞蝦籽撈：未食過咁好食既蝦籽撈，蝦籽份量超足，麵條亦彈牙爽口，雲吞新鮮，一啖一粒，正！總括黎講，等左咁耐都係值既，下次黎澳門一定會再黎～

我們當天一來到macau, 見到旅遊單張介紹六記, 我們便慕名而來都真係唔易搵, 但發現呢間野好寸只係做晚市生意: 6pm-12am所以我地決心晚上再來我們來到度, 已經是8時了幸好仲有位, 但都好多人了, 亦發現好多都是香港人我們點了鹵水鳳爪拼大腸, 蝦子撈, 水蟹粥, 炸鴛鴦, 同埋一支汽水樣樣都咁好食!!!自先講下鹵水鳳爪拼大腸的大腸, 佢做得好稔, 好正比起旺角街邊食果d好味好多, 但我嫌大腸中間太多膏, 要夾走先食得而個鹵水鳳爪都好入味, 好正再講下蝦子撈, 真係一流!!!都唔細碟, 面底好有彈性, 很香口配合埋很有蝦子香的蝦子粒撈埋, 真係好完美!最重要係佢好多蝦子粒, 每一條面都沾有蝦子粒, 真係好正!由於中午在官也街果邊有食過水蟹粥, 對呢個食物的印象都不錯,見到咁啱呢度有, 順便encore嘩~ 又係好好味, 好新鮮友人話比起中午吃的好味和鮮味得多我覺得呢個水蟹粥都真係好夠味, 而且很香還有炸鴛鴦是必食的!炸鴛鴦即是炸雲吞加米通鯪魚球炸雲吞很香口和脆, 但食完一定要飲多d水, 因為都幾熱氣米通鯪魚球就很彈牙和很香, 比起池記食果d, 呢度又真係好味好多~最後是一支玻璃

這是復活節澳門飲食之旅最後一篇。在華軒美食(細龜)晚膳完畢便跑過對面的六記粥麵吃宵夜。六記粥麵滿座，我和家人走到旁邊的六記咖啡找位子；其實兩間舖都是同一老闆，位置開揚。今次點了三樣東西；及第粥$16、蝦籽撈麵$18及淨雲吞$17。及第粥先來。粥內有2塊豬肚、2塊豬潤、2條豬粉腸和2粒手攪豬肉丸，用料新鮮粥底軟綿，但個人喜愛濃稠多一點。淨雲吞也快。皮很薄，六粒雲吞每粒餡內有3只蝦，與肉約為六四之比；大地魚湯底加上青荵發揮清香味甜感覺。這裡的雲吞用料比祥記好，雲吞大一點蝦也多一只，湯底濃沒祥記的清淡。蝦籽撈麵很遲來，我沒怪老闆娘；因為真的很忙，客人要在店外加檯椅，要催促不好意思了。差不多什麼都吃完才見伙計捧來蝦籽撈麵，原來許多人叫呢!蝦籽撈麵是用六吋碟上，竹昇麵是不吝嗇的灑滿蝦籽，足夠你撈勻每條充滿彈性而沒有鹼水味的麵條。吃進口裡的感覺就是做得比祥記好...讚六記是澳門少有及得上香港食物水準之食肆，老闆娘也該請多個伙計，我結賬走時也還沒給我上撈麵湯呢!

去過咁多次澳門, 都係第一次食六記, 都幾掂!!!鹵水鳳爪拼大腸 ~ 鳳爪好腍超好味, 鹵水大腸好多舊都好肥呀, 好彩d friend 唔怕肥啫!!炸鴛鴦 ~ 米通鯪魚球拼炸雲吞, 鯪魚球好好好好食, 炸雲吞無乜特別, 下次唔會order lu!!淨雲吞 ~ 都係香港好味啲, 魚湯底!!蝦子撈 ~ 超多蝦子, 細細碟..要encore添!!水蟹粥 ~ 蟹粥都好鮮甜, 不過唔夠綿, 蟹就無乜肉!!

24/03/2009 在澳門的第一晚..去完賭場一心諗住坐的士去六記食宵夜...點知一去到見到 <23/03/09 - 24/03/09 休息二天> 真是那麼幸運嗎?只好返酒店了..好在我們是住十六浦酒店..距離酒店都唔係好遠..只需10~15 分鐘...唔係就白行一趟了!!第二日坐夜晚9:00點船走...6:00點見仲有時間..諗住去多次睇下有冇開舖...因為佢只係開夜晚6:30~零時 2:30..所以要食佢真係有點煩...要就時間...6:15 去到時佢地食緊飯..雖然佢開6:30 ..都比我地坐住等..原來時間有好多枱等緊了!叫了好幾個招牌菜: 滷水鳳爪豬腸 $32 : 寫到明係滷水但一點滷水都感覺不到...大腸為何是咖哩的?鳳爪普通沒什麼特別 雙併鯪魚球炸雲吞 $34 :米通鯪魚球有5粒..幾好...值得一試..但個蜆介就好咸 及弟粥 $16 很足料..有豬肚,豬腸.仲有2粒豬肉圓...抵食!!蝦子面 $18....太乾了...面質冇咩特別..我覺得祥記的好食好多!最後結賬$116食飽飽就要返酒店攞行李坐船走了.....

feb 28, 09,終於full team,5人嚟宵夜,叫咗 : 1) 淨雲吞-個皮真喺好薄好薄,亦好滑-細細粒嘅1隻-個人略嫌蝦嘅份量唔多,餡亦唔多,所以麻麻,友人就話呢種喺舊時做法-呢個友人們意見分歧,友人就覺得幾唔錯 2) 蝦籽撈麵-個麵無鹼水味,麵質雖唔會喺好明顯嘅爽口,但唔腍,少少彈口-蝦籽唔喺死鹹,鹹味溫和-不錯 3) 蟹粥-上次友人嚟食過之後大讚,所以大家對此甚有期望.........尤其喺澳門,現今暫未搵到可取替以前誠x(未賣盤前)嘅水準-不過今次應該大為失準因個粥底唔夠火候,友人稱其米為未煲開-但個蟹就好有質素因好鮮甜 4) 炸錦卥雲吞-大家1見到呢味小食,就大談兒時嘅回憶-老實講,由細到大我都好少食呢味嘢-好,呢碟雲吞都炸得幾脆,甜酸汁亦夠"杰",不過個雲吞餡就好似比例地少咗d後記- 多謝友人請呢餐- 今次之出品未喺滿意,有機會都想去多次証實吓喺咪今次失咗手