影片
更多
2021-04-24
347 浏览
「嫲嫲廚房」主打做京川滬三大名菜，有乾鍋、水煮、酸菜、涼拌系列等供應，一開始睇點餐紙個陣睇到有少少懷疑人生，因為小菜種類超過一百款，選擇多過酒樓點心紙又密密麻麻，心大心細又選擇困難症既人真心難揀，好在呢到有個點「半份」的貼心叫法，價錢夠貼地，可以放心叫多幾樣試下。本來以為半份細細碟，叫叫下收唔到手😂，上齊一枱滿曬，點知意外地半份份量好足，最後飽到肚腩出埋來。.是日餐點酸菜魚 (半份$88)菠蘿生炒骨 (半份$34)香辣雞軟骨 (半份$26)椒鹽粟米 (半份$24)黃金豆腐 (半份$24)勝瓜雲耳炒豬頸肉 (半份$32)上海炒年糕 ($48)手拍黃瓜 (半份$12)涼拌皮蛋 (半份$16).「酸菜魚」整體味道可以，半份酸菜魚來講魚片數量不多，反而底下酸菜足，有幾條寬粉，偏酸少辣，肉質未夠滑，過下癮是可以的，專程食酸菜魚的話專賣店比較好食，留番個肚比其他小菜啦！.「黃金豆腐」外表一粒粒金黃色，表層用左鹹蛋黃包裹，啖啖濃郁蛋黃香，中心豆腐嫩身，咬落去幾得意，一粒接一粒食唔停。「香辣雞軟骨」香辣得來又有咬口，真心會上癮😂，呢兩款作為配酒小食一流。.「上海炒年糕」味道鹹淡適中，煙韌有咬口，不過唔
「嫲嫲廚房」主打做京川滬三大名菜，有乾鍋、水煮、酸菜、涼拌系列等供應，一開始睇點餐紙個陣睇到有少少懷疑人生，因為小菜種類超過一百款，選擇多過酒樓點心紙又密密麻麻，心大心細又選擇困難症既人真心難揀，好在呢到有個點「半份」的貼心叫法，價錢夠貼地，可以放心叫多幾樣試下。本來以為半份細細碟，叫叫下收唔到手😂，上齊一枱滿曬，點知意外地半份份量好足，最後飽到肚腩出埋來。
.
是日餐點
酸菜魚 (半份$88)
菠蘿生炒骨 (半份$34)
香辣雞軟骨 (半份$26)
椒鹽粟米 (半份$24)
黃金豆腐 (半份$24)
勝瓜雲耳炒豬頸肉 (半份$32)
上海炒年糕 ($48)
手拍黃瓜 (半份$12)
涼拌皮蛋 (半份$16)
.
「酸菜魚」整體味道可以，半份酸菜魚來講魚片數量不多，反而底下酸菜足，有幾條寬粉，偏酸少辣，肉質未夠滑，過下癮是可以的，專程食酸菜魚的話專賣店比較好食，留番個肚比其他小菜啦！
.
「黃金豆腐」外表一粒粒金黃色，表層用左鹹蛋黃包裹，啖啖濃郁蛋黃香，中心豆腐嫩身，咬落去幾得意，一粒接一粒食唔停。「香辣雞軟骨」香辣得來又有咬口，真心會上癮😂，呢兩款作為配酒小食一流。
.
「上海炒年糕」味道鹹淡適中，煙韌有咬口，不過唔可以點半份，一份份量超足，有一刻懷疑係咪成包年糕落去炒，叫年糕既大家要考慮叫少啲其他小菜啦。
.
菠蘿生炒骨、椒鹽粟米以及勝瓜雲耳炒豬頸肉與外面食到差不多，涼拌類（黃瓜、皮蛋）作為飯前菜夠開胃，整餐落來性價比中上，平平地十幾廿幾蚊都有，幾抵食，而且款式多樣化，重口味又得，家常小菜都得。
张贴
