德記咖啡麵食

营业中

休息中

匆匆忙忙去澳門一趟，中午去夜晚返，陪友人check in 完已經好肚餓，搵個地方祭吓五藏廟先啦，漫無目的，轉入橫街睇吓，聞到陣陣香味，原來係間麵食店，見2點幾仲有好多人响度食嘢，即刻叫停妹子，不如食呢間啦，大家一致讚成。3個人擠在2人枱坐有點迫，見大部分人都食鯪魚球撈麵，按圖索驥，我哋都唔執輸，一於照跟...哈哈哈無幾耐食物來了,三款一齊上，叫多個可樂飲吓。鮮蝦雲吞撈麵現在吃到的雲吞多是大大隻蝦，一味追求因啤水而來的爽口。這個是傳統工藝餡料平均，蝦仁雖細細但有蝦的鮮味，有蝦有豬，還帶點大地魚的味道，麵質爽身，條條分明，加上撈麵的醬汁咸甜適中，好食到飽都成碟食得曬，煎魚餅XO醬撈麵魚餅外表似乎撲了層粉，煎得外表香脆內裡仍軟，混入香蔥粒有魚味唔鯹，好食。鮮鯪魚球XO醬撈麵鮮鯪魚球很滑欠一點彈性，有蔥粒增添香味，OK!XO醬不是一pat油加點堯柱絲，而是麵面有大把蝦皮(小蝦乾)，加上堯柱絲，好香，好惹味，和爽身麵條撈在一起吃，實在太好味喇，很快便整碟吃光光。