星滙餐廳

营业中

休息中

自助餐黎講，澳門的自助餐比起香港真係抵食好多，價錢足足平一半就算起5星級大酒店食，都只你2百蚊鬆點就食到高質素的一餐😍而今次我就去左星匯餐廳試食他們的午市自助餐❗食物黎講，有刺身，熱盤，pizza，粉麵，飲品bar，炸物都不缺，海鮮方面仲有中蝦，青口同大大隻的白蜆，刺身亦新鮮肥美~而不得不提的，就係佢地的燒味，叉燒燒得剛剛好，蜜糖汁，唔係糖水整，入口鬆軟不死實，少少肥，絕對係必食項目而豉油雞亦整得十分嫩滑，真係不得不試

黎到澳門 食物種類選擇多到唔知食乜好經過朋友既推薦黎到新濠影滙星滙自助餐睌餐時段大家係會係門口排隊等候工作人員帶大家一齊入座門口一入去 就覺得裝修幾​靚樓頂好高​ 第一印象唔錯望下個自助餐有咩食先! 都係d大路野冰鎮海鮮魚生燒臘點心印度野牛排烤雞葡國菜野羊扒粥粉麵甜品雪糕冰鎮海鮮選擇好多麵包蟹生蠔青口蟹腳黃金螺大蝦每樣食番幾樣其實都好抵推薦食麵包蟹同埋生蠔 新鮮多膏味道好蟹腳 蝦 螺正常水準反而魚生選擇不多 得三文魚 吞拿魚 油甘魚自選粥粉麵配料都叫做好多選擇其他熟食都普通 唔係特別出色甜品方面有好特別既花生味雪糕加埋d hazelnut醬撈埋 好好味呀食物味道總體黎講above average不過最緊要係價格合理地方好大 枱與枱之間唔會話太迫安全拎到野食番埋位服務質素好好 食完d野食既碟好快就有人黎清 係一個好適合同朋友家人一齊黎用餐既好地方

酒店hea遊，好多時間都係留係酒店，不過唔係去遊戲室玩，而係飲飲食食，check in個時，職員叫我地join呢個MOP $600的package，包2位大人自助早餐Buffet (6:30-10:30am)，而2兄弟未夠6歲所以自助早餐都係免費嘅，個package仲包埋2位成人Happy Hour任飲的 (5:30-8:00pm)，另外仲有2位成人的 High Tea set (2:30-5:00pm)，都係啦兩位小朋友未夠6歲Happy Hour都係任飲嘅，佢地發達，飲咗好多西瓜汁...LOL。而Tea Set就係fix嘅，無得加，不過佢會提供水比小朋友飲，但係2個到第日的tea time都太累，zZZz。返到香港收到月結單，呢個package就為返港幣HK$671左右，不過都算抵，因為酒店的自助早餐食物真係唔錯，而且好多野揀。當然如果你係飲得之人，任飲嘅Happy Hour就梗係抵啦，佢有哂Cocktail 同Mocktail，啤酒，連列酒都有。我當然係飲小小Cocktail，加Mocktail，同埋飲下茶啦，輕輕鬆鬆一家人坐底休息下，hea下。而且好像7-8pm係有live b

今天帶家人去食自助餐，因為以前曾經嚟過呢度食，款式十分多，值得推薦，今次嚟食，連龍蝦，鵝肝都沒有，得蝦.....熱盤方面，少之又少.....得啲蝦餃燒賣，燒味，粉面等等未試過見人咁早點粉面等等基本上食物無人攞，無人食，所以轉得慢。一個惡性循環，，至於甜品，連澳門特產葡撻都沒有......我嘗試了解點解差咁遠，因為價錢較新開張平左，所以食物款式少了。老實說 500元一個，1同4人 $2000元。行了第一轉便不想再吃了。請我去食，都要諗下。船票來回都$400了

本局長與副局長近日到澳門公幹，拓展港澳情誼。出發前已以旅遊app預訂星匯餐廳自助晚餐，慰勞平日辛勤工作的副局長。局長倆於六時許準時到達，只見現場環境優美，人流不多，氣氛不錯。局長倆坐下後四處察看，發現食物種類比想像中少。本局長先嚐冷盤，海鮮有蟹腳、螺、蜆、蝦、生蠔。蟹腳、蝦、螺正常水準，生蠔不鮮美，蜆淡而無味。魚生選擇不多，僅三文、吞拿、油甘、𩶘魚而已。質素不過不失。至於甜品則不錯，如木糠布甸、蛋糕等。水果亦淡而無味。總括而言，餐廳食物款式及質素一般，本局長失望而回。

簡單寫個食評，琴日同屋企人試一下港珠澳大橋，由香港到澳門只需約三十分鐘，暢通無阻，今次到澳門目的，主要係食新濠影匯既午餐自助餐，我地係網上agent公司買，大概二百左右一個人，價錢尚算公道，夜晚食既食物同中午差不多，所以我地選擇左食下午，食完再落去賭返兩手。今次掛住食影既相唔多，大致上四圍影下咁。個人覺得食物種類都算幾多，頭盤有六款芝士食，海鮮有螺，青口同蜆食，不過個人比較喜歡食佢個燒味，叉燒入口即溶，一流。

在旅遊網訂了，自助餐凍海鮮，新鮮，長腳蚧一般比較細隻，麵包蟹新鮮多糕生蠔夠鮮，但較細隻👍🏻👍🏻👍🏻刺身選擇不多，特別推介油金魚，👍🏻👍🏻👍🏻👍🏻食選擇不多，推介咖喱虾👍🏻👍🏻👍🏻👍🏻，焗豬手👍🏻👍🏻👍🏻👍🏻，羊架👍🏻👍🏻👍🏻食品選擇不多，味道也可，這𥚃比較靜👍🏻👍🏻👍🏻甜品也不多，朱古力雪糕也很滑點心差到不得了🤦🏽‍♂️🤦🏽‍♂️🤦🏽‍♂️

好多年沒有到澳門了， 今次專程與朋友們到澳門睇狂電派， 狂電派戲票$580，已經包了到星匯餐廳食自助餐。 午市自助餐食物種類有刺身，壽司，冷盤，熟食， 羊扒，牛扒，即叫粉麵和粥， 甜品，飲品，雪糕應有盡有。 自助餐場內環境寬闊， 座位舒適。 至於食物質素就見仁見智， 我就比較喜歡自助餐裏面的甜品部， 款式眾多， 有多款蛋糕，班戟，雪糕，曲奇餅， 啱曬甜品控！整體來說五百幾蚊的價錢可以睇到狂電派和一個午市自助餐，價錢都算幾抵。😀

冷盤長期排隊，6點已到達，但長腳蟹入座2小時後才有機會拿，螺有幾隻係臭的，食完去左廁所吐。其餘冷海鮮都無乜味,咁既價錢黎講係垃圾.熟食quality control好差，燒味熱盤全部又乾又咸，點心又得飽點無燒賣餃子等，最離譜係有蒸粗糧（很乾的蕃薯，粟米）,很度縮！甜品最失望，無一樣有水準，好像到會質素，基本甜品又無乜，感覺班師博無心做，雪糕又係不知名品牌，令我復活節留下陰影。What a waste of a lovely night！

女友生日，過澳門慶祝！幾個朋友一齊去搵食，事先訂左依間星匯餐廳自助餐，本來喺香港打電話過去想訂個大啲嘅生日蛋糕，點知佢哋啲職員好似有啲笨笨地，唔係好溝通到，所以最後都係切佢哋送嘅小小生日蛋糕🎂生蠔係好鮮甜嘅，唔算好大隻，但係啲肉夠實，唔會好似有啲細生蠔擺咗落口之後，好似一啖口水咁，吞咗都唔知咩味凍蝦係我食自助餐嘅最愛，要知道新唔新鮮好簡單，就係剝蝦殼嘅時候，如果蝦殼係黐住啲蝦肉就係唔新鮮，佢哋啲蝦係幾新鮮麵包蟹，我就唔係咁啱食，覺得佢除咗啲蟹膏之外，蟹肉冇乜味道，同埋個蟹殻勁硬，要小心食依間自助餐啲刺身算係比較一般，比較霉同埋唔夠鮮甜，所以就係食咗相呢幾片，就冇再食啦呢個蜆本身係冇乜味，但係加咗辣椒豉油都好好食Happy birthday 🎂

一年前食過一次，個陣買一送一，同老公都覺得好正，所以今次帶埋呀仔去食，網上買HKD390一位，6歲以下小朋友免費，點知好失望。。。海鮮，魚生都ok, 唔會太差但熟食基本上冇咩選擇，係好一般的西餐廳食品，仲有少量印度，中式蒸嘢食，即煮粥同麵（麵嘅材料就係海鮮區嘅蝦，青口）。。。麵包類冇人選過，因為真係好唔吸引芝士款式4，5款，沙律個D都正常水平本身我地唔食羊，所以冇試食，但未試過一間自助餐d羊蘇味勁到成間嘢都聞到甜品不過不失，但雪糕真係嚇死你，平時我最少食4，5球，今次食一球已經放棄，口感係粉嚟

位於新濠影匯2樓的星匯餐廳, 提供非常豐富的自助早餐, 質素高，多款式, 包括日式中式和西式選擇, 而且味道不錯。 美中不足是飲品選擇較小, 只有兩款果汁和咖啡機。住宿新濠影滙酒店一定要選擇有附早餐的方案!

黎到澳門點少得一家大細食返餐自助餐呢？睇完個水舞間時間岩岩好，一於坐接駁巴士黎到新濠影滙的星滙餐廳刷餐飽！食buffets從來不是求質素，但求是是旦旦應有盡就心滿意足，星滙餐廳就絕對係您的最佳選擇！平時香港食自助餐似打仗咁款，好大壓力，呢度就勝在夠大地方，可以一家大細舒舒服服他他條條咁坐响度慢慢嘆。雖然呢度一樣充斥住好多唔守規矩唔識排隊的大媽，但食物補給速度足以馴服果班「飢渴」的大媽。無錯，呢度連飲品都係任飲（雖然呢樣嘢好基本，果汁亦唔咪咩貴價野，任飲唔單止可以提升顧客滿意度，而且可以盡快填飽食客個胃，除笨有精，但偏偏香港酒店想賺到盡的心態，往往响飲品埋手賺多筆，有如殺雞取卵）食物質素方面，應該有香港五星級酒店（五六舊一位果隻）嘅水準，而每位只係收三舊幾水，絕對對得起呢個價錢，至於咁抵食當然係為左吸引賭場大豪客黎幫襯，「羊毛出在豬身上」啦，但唔理咁多，朕今晚一於要當個大「蠔」客先。

澳門自助餐較香港平，所以每年都會黎食一兩次，星匯餐廳一直係我心目中頭三位想去嘅自助餐之一，事關年幾前見食評幾好，但當時book公眾假期竟然full哂，所以更加想食。今次係book暑假其中一個星期六，但又好易就book到，上網搵旅遊網站，晚餐$390位。去到原來個埸一半人都唔夠，心諗唔係嘛，上年明明book唔到......食物選擇唔算少，海鮮共有六款，澳洲生蠔仲係即開刺身共有四款飲品係任飲，有果汁，汽水，咖啡同茶甜品要叫師傅拎，相對較衞生但雪糕唔夠凍溶得好快，未行番埋位個雪糕球已經溶溶地喺隻碟上𠺘𠺘下海鮮黎講生蠔係比較ok蜆同螺無乜味，長腳蟹一隻隻ok魚生只拎左兩款，另外兩款朋友話唔ok所以無拎，三文魚算新鮮肥美自選海鮮粥我落左魚，蝦同皮蛋，有淡淡鮮味，算唔錯熟食一啲啲ok但叉燒有啲韌，下圖左下的蝦是霉的！人參燉雞湯最滿意，參味好重亦有好多參片甜品不過不失另外仲有個問題係唔夠人收碟，我地食到張枱放左三四隻用完嘅碟喺枱都無人收，隔離枱都係咁，要等一陣先有人收，又或者係慣左香港食完好快就有人收......

澳門的確係食buffer 嘎福地平👍🏼靚👍🏼正👍🏼今次去左星匯 位於新濠天地生蠔新鮮 係澳洲生蠔我呢個吃貨 食左一打十二飯戈師傅開到唉唉聲因為好多人搶住食辛苦哂😬😬😬印度薄餅 好吃 重點係個汁命有蝦 好新鮮 蝦🦐頭都仲係橙色燉湯就麻麻地食buffer 我就最喜歡食芝士因為一次過可以食好多款Blue 🧀 cheese 係最好食～～仲有好多好靚 吾款嘎甜品🍮最好食細細件嘎檸檬🍋達あいしいです！！18:30食到21:30😃