木偶葡國餐廳

营业中

休息中

昨天下午去Macau巴黎人聽演唱會，打算開場前先去試下地道葡國菜：侍應生服務還算ok，送了牛油和小豬仔，但是冷冷的，有點失望！食物叫左：1) 蒜茸包：只得可憐的3小片，加埋唔夠一個小豬仔包！2) 碳燒馬介休：似係炸的，不過味道、質感均不錯，配菜亦新鮮，幾粒橄欖很好味3)牛仔肉：這個最失望，我和朋友都肯定這不是牛仔肉，應該是牛脷上頭的肌肉部份切片，還帶著一些類似血管、腺體的東西，問侍應她不肯承認，只說可能這批牛仔肉無咁靚，我認為我唔係傻瓜，只不過無時間同佢拗！兩人食了三百幾，只有馬介休較為值得！

因為有晚新濠影匯住宿就到期，一個月前就訂咗今晚去住……今次想同媽咪細佬試下葡國菜，所以今晚去完官也街便選了木偶餐廳試吓，感覺企理開揚，寛敞，雖然正值晚餐時間，但不用等位……睇睇餐牌，覺得吾係太多嘢啱食，而且價錢不便宜……我地点了炭燒鱸魚、蒜蓉炒芥蘭及焗葡國雞（新鮮雞）三樣先……焗葡國雞啲汁係ok，但啲雞肉好梅，吾覺係新鮮雞（佢仲標明），又吾夠熱，芥蘭，我嫌味精重了些，食完好口渴，燒爐魚，味道ok，兩片是一中一小的size，一個人都吾夠食，份量太少了，食完呢一餐，行過對面馬路有些小餐廳，都有葡式嘢食，但應該價錢抵食啲，也會有風味鑊氣多一点，這一餐木偶餐廳，食了四百幾，價錢真的不值得，吾怪得冇人等位，今次笨笨試過就算了，下次不會再來啊！

去過不知幾多次氹仔官也街，總係唔會去木偶，可能佢負評太多，今次自己去試下，睇下係咪真係咁差！先講服務，人地話佢黑面，好彩我又遇唔到！朋友話佢地d乳鴿唔錯，於是叫左一客，見到佢地有乳豬，又叫左一客，睇下佢好味定法蘭度好味d，再叫左一客馬介休同西蘭花。乳鴿口味同香港嘅乳鴿口味差唔多，預期之內。乳豬都係法蘭度好味得多，皮唔夠脆。反而以為馬介休會好咸，出奇地淡左好多，岩口味。西蘭花預左唔會有咩驚喜。總括哩講，食品唔係太差，但又唔會好味到值得我再去，因為澳門有太多其他好選擇，試過一次就夠。最後一提係環境唔錯，地方夠闊落。

岩岩到達馬交，梗係諗住食返餐好先去玩啦，親愛的話細個黎食過幾好食，諗住帶我去食，位置唔難搵，而且睇落餐廳都幾靚，諗住食餐開心既，點知完全係虛有其表😂😅餐廳設計係靚既，而且可以最多入180人，但野食唔掂，再靚都挽留唔到啲客啦🙈所謂既小木偶餐廳，其實得bar有隻掛住既小木偶，牆上得一張小木偶poster，同埋張餐紙(我發現到得禁多)😂😂😂叫野食就會送豬仔飽做餐飽，而依個餐飽好可能係成餐最冇伏，最正常同最好食既野，熱脆鬆軟。個乳鴿除左貴之外，仲要唔脆，同埋好油好油同好油(因為很重要，所以要講3次),可能一般大排檔都會好食過佢😅炭燒西冷，無錯我係食得出佢係炭爐燒，但塊西冷真.好靭，好難咬開，仲要靭到差啲哽親，而且啲薯條係冷冰冰🙈😅

昨天吃了海灣餐廳, 今天到了木偶餐廳吃晚餐！ 乳豬， 牛仔骨和鹹豬手都非常好吃! 價錢和海灣餐廳义𣎴多但食物方面比較合我的口味不是大咸！ 因個人認為大部分葡國菜都很咸！

有興趣去木偶食飯既請耐心睇睇我第一次寫評,寫得唔好請見諒,木偶依間餐廳我諗去過氹仔既人未食過都一定見過,我就係次次經過都無食過先試下,點知就咁出事......7點半左右去到木偶,拎票59號,叫緊39號,紅日黎氹仔食野其實預左,唔緊要廿張就廿張啦,等到8點3左右有位啦,依個時候後面叫位已經叫到90幾,比左門口位一張6人枱比我地,都係照食嫁,派位呀姐負責埋執枱,咁大間野唔知咩事,門面得幾個待應,仲要我地同令一家人搭枱,我問樓上有無位,有侍應行埋黎話:"唔知喎,你自己上去睇下啦",依家已經躁躁地,依家我係侍應定你係侍應呀,佢仲話:"係呀真嫁,你上自己睇啦,唔係講笑..",我心諗好啦,還掂等左咁耐,我就叫女友坐住先,我上去睇,一上到去,大把位喎,起碼4,5 PAIR情侣坐到,咁我就問侍應有無兩個位,佢竟然答我,有位自己坐啦,下...咩態度呀,見咁多位,我就禁LIFT 落去叫女友上黎,下落到去就見佢係LIFT口,佢話同佢搭枱個三人家庭話搭枱就唔食,女友就比侍應趕走左,真係興過火屎,上到去當然有位,等左兩個字都未有人執抬,眼見又係得3,4個侍應,HEA下HEA下咁,有侍應叫我地坐住先先,咁我地行過

不知所謂，員工黑口黑面，個個都拜山咁既樣！入到去坐底先話今日紅日，要加二！！！過年加二，我可以理解但重陽你加二？！！食物選擇少，個餐牌前前後後睇完再睇都無一樣叫得落手。價錢貴！味道非常普通，中伏！！完全唔會再幫襯！

星期日去完，以後唔會再幫襯！你地啲員工簡直態度惡劣到，我以為佢先係客！唔係話我俾錢食野大哂，而係我覺後我黎食野仲要受你地員工既氣！簡直不知所謂！老闆有啲咁既員工都唔知趕走幾多客！只少我去玩為開心既，都要受氣，我地唔會再去，亦會勸身邊既人慎重考慮！

嚟到澳門 我地都有去哩度食下野的 由於我地周圍去食野 所以大約四點半就到哩度了 因為時間還是尚早的關係 所以都唔係太多人 嘿嘿😁我地叫左馬介休炒飯 紅酒煏牛尾 炒蜆😋😋馬介休炒飯 有鹹鹹的味道 而且飯粒分明 又不是很油 原來這兩樣夾埋嚟食都幾好味的哈哈 紅酒煏牛尾 有很淡的紅酒味 其實可以多返少少 牛尾方面煮得很軟很腍 還有一些薯仔做配菜 整體來說 煮得好入味 但如果紅酒味能濃郁點 會較好🙂🙂 炒蜆 原來都幾多架喎 哈哈好野👏🏽👏🏽好開心啊 整碟都是滿滿的 整碟蜆肉的殻都是打開的 沒有一粒是無打開的 要讚👍🏽👍🏽蜆肉好大粒好新鮮好好味啊 個汁的味道好特別 會愈食愈多 撈飯其實是一流 個汁有點辣辣的 但又有點令人好開胃的感覺 哈哈 一個唔食辣的人其實都可以接受到 好正 下次再來會再encore 椰青 好大個好甜好好飲啊 入面又多椰青水 椰青肉又唔會好硬 真係正喎 仲好過香港個啲餐巾都印有小木偶呢 好可愛啊😍😍

跟朋友去澳門小遊，沒有既定路線地隨意逛逛，最後來到這間木偶葡國餐廳，主要原因是這兒比較少人排隊。餐廳頗大，環境也不俗。　因為並非為了吃葡菜而光顧的關係，這晚我們點的菜是煎牛扒薯條、燒紅蝦這些典型西餐，水準是及格的，但沒有驚喜。最喜歡的反而是那杯芒果布甸，好幼滑，好香，芒果味非常濃郁，還吃得到粒粒芒果肉。讚！　今晚得兩位女生，吃的不多，只點了兩道菜、甜品和飲品，已接近 600 元。以這個價錢來說，性價比很低，應該可做得更好。

原本諗住去山度士餐廳.點知未開行下行下見到木偶餐廳,咁就入左去試下啦諗住話晒老字號,應該唔會差得去邊下午五時許,都坐滿三分一既客人牆上掛左三隻木偶外,得枱紙,menu同紙巾會見到木偶一打開個MENU,價錢頗貴三個女仔唔食得多,嗌少少就算嗌左三樣野,個侍應就話:好少野炸喎!我話:唔夠先再嗌啦佢就黑口黑面咁走開 原本叫左碟馬介休炒飯佢就黎左碟西炒飯,好在佢放落枱講左句西炒飯之後同佢講番,check單知自己錯先拎番去換之後先黎岩馬加休炒飯,直接放低就走人一句道歉都冇 由於太肚餓,所以唔記得影低馬介休炒飯  碟馬介休炒飯平平無奇,好似普通炒飯冇蛋香,好少配料,唔夠入味剛上菜已經凍左...好多人推介既馬介休球新鮮炸出黎,幾香口趁熱食真係幾好食,我都推介 個人認為點辣椒仔好食D 焗葡國雞不過不失,汁偏咸但雞肉嫩口,好大隻雞脾

氹仔食葡國野、食扒，我同屋企人黎黎去去唔係食小飛象，就係木偶。味道方面我自己是比較喜歡小飛象的，但間中去食木偶，又未尚係一件壞事。木偶相對小飛象黎講，款式少、偏貴、而且份量來說也是比小飛象細碟。但若果論服務，環境裝修，木偶則比小飛象優很多。或許小飛象現在轉做旅行團餐，服務真的是越來越欠佳。今天點了幾個例點的菜，炸馬加休，牛仔肉，牛扒，另外還點了個葡式銀鱈魚。這個餐包，其實吃兩口就好，一般。馬加休球，味道跟小飛象是不同的，偏咸且香，而且是鬆口的，食起黎應該不是事前炸好。例點牛仔肉，我們點5成，因為我們喜歡嫰口，而且不想有血水，最後也沒有讓我們失望。然後炭燒牛扒，肉汁豐富，肉味突出，食到炭燒既焦香。葡式銀鱈魚，很地道的菜，就係菜，紅蘿蔔，番茄一齊煮，魚肉鮮甜，唔係話好嚡，唔錯。如果有朋友黎到澳門，想有個唔錯既環境食飯，可以一試木偶，或許是一個唔錯既體驗。

嚟過氹仔多次都無幫診，因為心諗旅遊區既食店通常都較貴，不過今次因買咗氹仔碼頭船飛搭中午船返香港，所以就諗住近近地不仿一試。我同女友因早餐食得太飽，所只係點咗小小野：1. 兩客蒜蓉包(加埋有6件共$50)，2. 葡國雞一客(忘記價錢)，3. 馬介休球一客(忘記價錢)，4. 一渣Sangria(約$140)。埋單盛惠400個大洋食物質數方面，可以講同個價唔成正比：1. 蒜蓉包ok，2. 葡國雞太咸，3. 馬介休球太淡，4. Sangria酒味較重，女士未必接受到，而且只有橙皮，似乎小家咗啲今次叫做試過下呢間聞名已久既餐廳，總體嚟講價錢係預料之上，質數係預料之下。

第二次黎澳門，上次自己聽朋友推介去小飛象點錯野食 x.x今次由朋友親身帶我地去食隔2條街既木偶，感覺零舍唔同。呢餐係2日夜入面食得最貴既一餐，但絕對係物超所值!聞名既馬介休球璀確係抵食，香脆得黎入面既馬介休份量十足好食又易飽肚。今次我地就試左個同行3人都未聽過既菜式--xx肉排，名就唔係好記得，堅係好食。味濃，而且唔會有平時食肉排個時覺得淨係咬骨既感覺，肉多，仲有低下既薯條清洗下味蕾，唔會因為一次過食太多而覺得油膩。雖然價錢係偏貴，但確實係抵食。

每次去澳門都想食葡餐，朋友被木偶外觀吸引，怎料...叫了乳豬，蜆，燒馬介右，sangria (紅酒加生果）乳豬好蘇，蜆新鮮都好味，馬介右超salty 及 乾，酒更差用的紅酒是劣質，酒內的生果只是用橙皮，毋其他生果，試過其他餐廳不是咁難飲，麵包是送的， 都好乾 通常澳門的麵包都好正，所以呢餐食到我哋好失望！