影片
以上资料只供参考，请与餐厅确认详情
又到澳門 (彷彿變成了我每篇的開場白), 工作前找朋友到荷蘭園吃個下午茶頂頂肚。朋友從少就在這帶活躍, 推薦嚐試這家老字號麵店。麵店位於中央圖書館後面, 向盧廉若公園方向落斜, 就在近公園附近的小街之上。鋪面不大, 但分前後堂。前堂只三兩張小枱與粉麵檔位, 後堂寬敞多以圓桌為主。朋友推薦餐廳主打的水餃與雲吞, 所以沒有多想就來個水餃撈及雲吞撈各一, 再加些食物。根據經濟好理論, 只需要點一個水餃撈加一個雲吞撈, 然後利用無條件的以物易物方法, 總共就可慳得兩個雙拼要加的額外費用。雲吞撈， 上桌時已見雲吞有兩截色, 生怕它有些部分泡得不夠。可是入口卻沒有這樣的問題, 皮滑, 不算太薄但口感滑溜。蝦肉有彈性, 略帶鮮, 而豬肉也有香味。撈麵加醬汁, 需加以撈起才可令顏色均勻。拖水夠乾, 所以麵條吸汁力強, 需快撈才可。加上少許熟油, 但反而令麵條有點滯口。同樣是一個麵底處理的水餃撈, 同樣麵條彈性還好。朋友說麵店是自行打麵筋的, 所以口中嚼勁與味道有所不同。水餃口感比雲吞更好, 餡料爽而乾脆。豬肉味道香加上雲耳絲爽口, 水餃滑, 入口可口, 是不錯的味道。本來想點鴨紅菜, 但因禽流威脅最近較大, 澳門正停止新鮮鵝鴨入境, 所以鴨紅欠奉。本想只是要個加腩汁的菜, 可是好客的朋友一動就要了個牛腩菜。菜底要菜芯, 菜遠好嚼勁, 脆口無渣。可是牛筋雖腍但不夠味, 腩汁略稀, 柱侯醬不夠惹味。牛筋質感略好, 牛腩瘦肉多, 口感略硬。整體來說餐廳味道也算可以, 街坊式賣相不求精工, 但味道平實, 是日食街坊好選擇。價錢雖比之前貴了, 可是也算商宜, 一個撈麵都是MOP 20多, 比新馬路新口岸還差得遠。
继续阅读
may 27, 12........要向我哋下1個目標進發.......4人叫咗 :1) 淨雲吞 (mop19)-見喺店內有亞姐包吓包吓-所以忍唔住叫咗碗大家試吓-皮很薄,不過個雲吞餡麻麻地2) 桑寄生蛋茶 (mop11)-喺年初時,飲食x女出咗本2012澳門篇,講到有桑寄生蛋茶拍得住"亞伯蛋茶"-因為我始終都無飲過亞伯蛋茶嘅出品,所以就好想嚟試吓-呢個先喺我哋目標-個茶嘅桑寄生味中等,可以再濃d,清甜,合格-不過隻蛋都喺未到水準,桑寄生茶只懾於好表面,同我最鍾意嘅香港西營盤x記出品,差之1000里3) 桑寄生茶 x 3 (mop10)-友人們就無+到蛋
继续阅读
坦白講，我要推既，只係佢既雲吞、水餃，而餐廳堂食既粉麵真係無咩特別，湯底亦無驚喜。呢度既雲吞、水餃同香港池記比的話，整體黎講，我會鐘意池記多d。甘點解我要推佢呢？因為呢度既雲吞、水餃裡既蝦，同池記相比之下，池記都要行埋一邊！呢度既雲吞、水餃裡既蝦，超爽！雲吞既size比較細，係一口size，而蝦同豬肉既比例亦剛好！唯美中不足既係，係度堂食既話，個湯底會相對地減左主角不少分數。所以我建議大家唔需要浪費quota，特登黎呢到食碗雲吞或水餃麵。大家可以外賣生既雲吞、水餃回港，係屋企用黎煮麵，或者用雞湯加韭黃仲好！有時我仲會買d用黎做手信！不過如果大家真係要買生既雲吞、水餃回港，請記得提店員落多d生粉係生既雲吞、水餃到，確保有d生粉保護住，否則返到香港，d生既雲吞、水餃會黏埋一齊，攞出黎煮時皮會爛晒！
继续阅读
2007年11月26日，松苑麵食是我們今天的第五站。叫了：雲吞水餃麵（20元）：麵太腍了，鄰座的太太說粗麵好一點，叫我們下次叫粗麵。雲吞水餃都OK，不過D蝦唔夠彈呀。炸雲吞（27元）：12粒，都算便宜了。很熱，即叫即炸的，外皮很鬆化和脆，大小適中，D餡和個汁則一般。
继续阅读
您可能会有兴趣的...