波爾圖

营业中

休息中

聽聞這家餐廳十分出名，所以今次來澳門公幹，中午與同事五人專程光顧中午時分到達，不用排隊，但餐廳已有不少顧客。餐廳是舊式裝修，牆上還裝上一盞盞燈，感覺典雅，頗有異國風情，但座位頗擁擠。地下座位坐滿了人，我們被安排坐二樓。二樓有一整排窗，陽光從窗透進來，較舒適。我們點了一份二人精選套餐，再單點一些特色菜式。三文魚天使麵加了很多醬汁，三文魚切得很小一粒粒，跟幾十元的意麵沒有分別。脆炸馬介休球餐廳招牌菜，所以一定要點來嚐嚐。裡面是薯仔為主，炸得很老，賣相不吸引。似炸薯蓉。葡式乳豬釀飯乳豬皮香脆，但是飯味道一般，我不太喜歡。香草燒羊胺比起西餐的羊架還失色，肉質不算嫩滑，稍嫌乾了一點。麵包焗葡國雞這款菜可以一試。上面灑了椰絲 ，麵包焗得香酥可口，雞肉也熬煮得入味，醬汁香醇，大家可以一試。二人套餐附送甜品相當失色，似美心最便宜的西餅。實在不覺得這家餐廳有什麼過人之處，如果只是打著「澳門葡國菜」的旗號就可以長做長有？未免太不思進取，菜式沒有新意，味道也只屬及格。大家前往前可以再參考其他食評才決定光顧。

難得同屋企人嚟澳門旅行，當然要食啲特色嘅晚餐啦，講到特色又點可以少得食葡國菜呀。 聽人呢間餐廳去係晚飯時候，有非常之多人排隊,所以我同屋企人都預早喺中午時分行過嚟特登book定位,以免到今晚嘅時候太多人食,等唔到位。 入去booking其實都好簡單，只要留你個姓及食雙飯時間就得啦。鋪頭嘅職員真係會喺晚上時候，首先serve咗有booking嘅人。所以大家如果想嚟食記得記得先前要book定位啦如果唔係同屋企人嚟到又要等咁耐咁就唔係咁好。入正題今晚由於我地有預先預約 ，喺指定時間好快就入到去喇 。一入去就當然要點去最受歡迎嘅乳豬飯呀，除此之外我哋仲點一個麵包葡國雞。乳豬飯一上碟嘅時候，我就忍唔住要食，個乳豬非常之脆，但係我就略嫌與豬比較肥咗少少， 仲有樣要改善的地方，就係唔知佢係咪由於生意太好嘅關係，個飯上菜嘅時候又唔係咁熱， 至於另外嗰個麵包葡國雞，嗰個麵包個皮略嫌 硬身咗少少 ，件雞都唔錯值得推介。 其實兩個人如果唔係太大食，叫一個乳豬飯加一個葡國雞已經好飽喇。

一到埗放低行李就搵食。住氹仔就梗係去舊城區食葡國菜，睇過小飛象餐牌，屋企人話唔多岩食，行多兩步見到波爾圖，佢話等5分鐘就有枱，決定食你。沙律是必須的，煙三文魚凱撒沙律，好好味，三文魚唔少，同埋唔係超市薄切貨色，係有厚度嘅鹹香味，沙律醬都好食，唔係一陣死實實嘅酸味，帶少少甜，完全吊起到菜嘅鮮味！👍🏻👍🏻炒雜菜，外貌一般，味道都一般啦。厚切黑毛豬，好香，肉鬆軟，醬汁好特別，酸酸甜甜嘅水果味，配菜又多又好食！芝士焗蠔，我個人接受到，屋企人話太腥，因為佢只係落沙律醬同芝士，冇用蒜去辟味，而且水份太多，所以唔太推薦。蒜蓉包真係必須食，好香好脆，除左蒜香，仲好清楚聞到包嘅香味，呢個平衡攞得好好！👍🏻👍🏻特飲都好味，雖然都係一般嘅果醬加汽水嘅做法，但加埋青檸真係好開胃，想追加！

每次去澳門，我必定會食葡國菜！象象餐廳已經吃厭了，想選擇其他的餐館！近年來，遊客多了，氹仔手信街已經不再只食什麼大菜糕、豬扒包、木糠布甸，等等嘅傳統食物！尼兩年很多舊式鋪頭已經不再存在，換來的是，巷頭巷尾，開了不同的葡國餐廳！有貴有大眾化價錢，很難選擇！我行了很多鋪頭，看了很多餐牌！最終，被這間吸引了！首先，門前掛着牛排只是百多元，另外吃滿200，會送水果酒！但一定要8:30後入座才送！進去後，點了一份炸芝士，一份葡國乳豬飯，亦都點了一份檸檬香草羊扒！先説一説乳豬飯，不是不好吃，而是乳豬稍肥，炒飯底不夠香！再説羊扒，其實頗香嫩的，但做我吃不到點點的檸檬香！最後，去到炸芝士，我覺得最好味都是這一個，炸得脆之餘，就算放凉了，都不覺得變硬！最後，說説服務！其實這間小店，都好滿座，服務生都很忙，但他們的服務態度都經常帶着微笑，這個是值得一讚的！

窮遊背包客， 又要食得平又要食得好， 推介大家嚟呢度食午餐！ 45蚊學生餐嘅價錢，竟然有咁高水準嘅食物！講番啲食物先，我哋兩個人，一個叫咗非洲雞， 另一個叫咗牛扒！ 叫牛扒嘅時候，已經預咗喺啲質素普通嘅牛， 牛肉算 ok, 起碼唔 un... 果汁嘅黑椒味亦都唔錯， 算係不過不失！跟住食嘅非洲雞雞扒簡直係遠遠超出我哋嘅預期！ 雞扒上枱嘅時候，完全係茶餐廳貨色， 點知個汁真係不得了！ 完全係高級馬來西亞餐廳串燒嗰種汁，微香微辣丶雞扒嫩滑， 最重要係抵食夾大件！個餐跟牛尾湯， 似一碗濃味嘅羅宋湯， 如果可以更多個牛油餐包就 perfect 啦！

黎澳門2日1夜純食住遊，上openrice，好評餐廳和收藏No.1，有無咁勁呀因為無訂檯，選擇下午茶時間黎，地堡街個間下午落場，但職員帶我們去木鐸街個間2個人叫左:葡式乳豬釀飯：不得了，完全唔油，平時係香港食開既啖啖油，呢個完全唔會！就算每人食4件都唔覺滯！必食！芝士薯蓉馬介休焗薯皮：噢，呢個味道都ok，但千萬不可2個人食，真係食2啖已好滯，太漏了...Ps而家由威尼斯人行過黎，沿途有扶手電梯，唔算辛苦。本來想第2天中午臨走前再encore，但太多人等位所以放棄了...

去澳門玩之前睇咗openrice嘅食評最多人寫係波爾圖就是呢間，今日係閒日下午兩點鐘左右來到餐廳唔使等有位，首先叫個炸馬介休好普通唔好食呀，之後叫咗個葡國雞呢個就好正啦 大大個農夫包好香脆葡國雞裝在裏面個葡汁好香濃但係啲雞未夠入味，可能佢好快賣曬將呢個汁同個雞分開再煮加埋一齊，最後叫咗個葡式乳豬飯個炒飯覺得濕得滯未夠乾身但乳豬燒得剛剛好好脆好嫩 ，整體來講不過不失 如果去到澳門唔知想食啲乜嘢不妨一試！

來澳門點可以唔食葡國菜呀！於是就去試下呢間好多人讚既波爾圖，點了最多人推介的乳豬釀飯、馬介休芝士球、葡國焗麵包雞、重加多個炸芝士波同榴槤千層蛋糕。食物雖然無想像中咁好食，但係都算唔錯，乳豬好大件，皮都叫脆，也入味，不過我覺得肥左d。馬介休同芝士波都炸得好味既，但無咩特別囉。咖哩麵包雞d薯仔好入味，雞就有d鞋，麵包好大個，配咖哩汁食好味。最後甜品是榴槤千層蛋糕，但我唔食榴槤，所以無試，但我既朋友話全餐飯最好食係呢個甜品。

下午5點左右來到，不用等位，直接入座👍🏻先來一個麵包焗葡國雞，賣相非常好！麵包很脆，汁香味濃，very good，是我媽最愛！麵包沾上濃濃的葡汁，真是十分可口！再來一個澳門葡菜必吃的馬介休球，同樣香脆可口！是水準之作！最後上菜的是葡式乳豬釀飯👍🏻，飯底不會太油，乳豬皮香脆，而且乳豬的肉非常厚實，味道可口，very good！飽吃一頓，6點多離開餐廳，門外已有十數人在外排隊，真慶幸自己早到來吃！

推介菜都算可以收貨。乳豬飯好味，乳豬皮好脆，但飯好乾，尼個應該係個人口味問題。污槽雞（唔係好記得名）小小辣，雞肉好滑，朋友話味道似窯雞。馬介休炸的幾香口。葡國咖喱麵包雞，麵包好味過雞。但係服務太差，所以冇下次。唔推介帶BB既家庭，因為餐廳冇提供BB凳，只有一個cushion提供，cushion同香港唔同，冇固定。3歲小朋友由凳上跌落，撞到下巴同後腦，服務員全部無動於衷，只係冷眼旁觀，一句問候都冇。

食物唔錯，環境OK，服務態度好好。可惜店舖位置太偏僻，不過街道有侍應負責舉牌，而且比較隔離幾間舖較多遊客會選擇食呢間，好彩我book位係六點半，走嗰陣七點半，已經非常多人，Book咗位嘅都要等一等建議唔好book咁遲，強烈推介葡式乳豬釀飯，真係好好食，啲飯煮得好香，隻豬個皮好香脆，但係麵包焗葡國雞，雖然個麵包好好食，但入面啲雞唔知係咪煮得太奈，有啲老，薯蓉青菜湯冇想像中咁難飲，喺手信街來講相比起其他鋪頭，我認為佢先係物有所值，價格唔太平又唔太貴，喺葡國菜來講都算便宜，反正一般人可以接受，雖然鋪頭細細，但侍應都幾多，客人有咩需要都可以即時幫到手，整體上感覺唔錯，如果有機會應該會再去

好耐無去過澳門，去到澳門例牌梗係要食番餐葡國菜啦。今次唔去船屋，揀左呢間都有好多好評嘅波爾圖。見到有人話唔訂枱會無得食，所以即刻就打左去訂枱。早左兩個字去到門口，見到間鋪入面都幾full 下，真係唔訂枱會無得食。入到裡面雖然坐得有d迫，不過唔緊要，野食先係重點嘛！先叫左個馬介休球試試先，味道適中唔會好鹹，上枱夠熱亦都炸得好香口。檸檬白酒煮蜆都幾得特別，個汁酸酸地咁好開胃。呢度用蜆肉加埋d汁一齊食真係幾特別，食下食下唔覺唔覺就清晒成碟喇！至於今晚嘅重點就梗係乳豬飯啦！乳豬飯嘅份量都唔細，好彩我地無再叫其他肉類，唔係就一定食唔晒。乳豬皮夠脆，而且都有d 肉又唔會話太肥，配埋佢本身嘅釀飯真係幾好食，唔錯！

一支公酥澳门，中午唔知食么好，就想到这里。在开饭查的，感觉还不错。中午过来，已经好有人气，有个三四家人的聚餐，十五六个人都有。我坐埋一边，一支公，难点菜，就要了一份美国安格斯肉眼扒的套餐。可以配红酒或者餐汤和薯菜或者白饭，还有甜品。上菜要等一下，汤是南瓜汤，很热辣，没有忌廉，不会腻。扒还是很大份的，薯条也很不错，但淀粉分量不够，吃完下午又饿了。但肉眼的质地不错，很软嫩。甜品就比较敷衍吧，很小一块蛋糕，虽然味道也不错。买单141，原来要加一服务费的。

黎到澳門梗係要食葡菜！適逢男朋友生日 就過大海玩！晏就去到就先book定位 預約8點鐘食！餐廳係巴黎人附近 到左唔洗等位 即刻有得入！ 首先叫左葡式乳豬飯 見到好多人都有叫 一於試下本身都以為會好肥 但一啲都唔會！ 乳豬又脆 又唔肥 好味！飯都好入味 岩岩好 唔會太鹹！ 10個like!!最最最滿意之後就叫左檸檬白酒煮蜆！嘩 好足料 好多蜆 唔止係得殼 而且重白酒味😍😍 呢味馬介休就有少少失望 外面唔脆 無咩口感 味道一般 ！ 同男友都係愛酒之人 所以幾飽都好 要試試葡國啤酒 唔苦唔澀！ 有機會要再試一次！ 🍻🍻🍻下次要試下葡式海鮮焗飯同埋芝士軟殼蟹 見到好多人有叫 不過今次實在太飽喇

食葡菜梗係要去澳門，又抵食又好食本來book好晒位，準時去到攞位 店內超多人坐唉！d人食飽又唔走，搞到要企一陣街。15分鐘左右，其中一位侍應問不如帶我地去附近間分店，我地當然無所謂。去到分店店內環景比總店好，可能無乜人知，包場咁濟 食到尾先有第二枱客入黎 我地暢所欲言食得勁舒服。 講返我地叫左咩野食先葡式乳豬釀飯熱辣辣 乳豬皮脆口 炒飯底又有d乳豬油 超野味葡式咖喱牛尾煲本人好少食牛尾 不過呢個牛尾煲超冧 好入味咖喱汁: 唔太辣但有咖喱味 即叫碟白飯撈汁芝士焗軟殼蟹隻蟹雖然細左dd 但鋪滿芝士焗 唔洗拆蟹可以啖啖肉 好好食但要襯熱食馬介休波波鍾意食薯仔既朋友 呢個真心推好似食炸薯仔蛋咁 好正醬燒豬肋排賣相就麻麻 原來有d內涵 肉質好冧 好入味唔需要蘸醬 有驚喜