海島船葡國餐

营业中

休息中

今次係第一次寫食評，唔寫對唔住大家！如果有SEARCH 過呢個餐廳名，就會知以前花城區有間一樣既店，同樣係夾埋的士司機昆遊客。 又一個豬咗既客比人劏 (係我)！入到去就FEEL 到出出地事，星期五晚得一枱客。又話LOCAL 都食？OK，當咁啱冇人。睇完個MENU 上網SEARCH 下有咩推薦菜式。。。 個心即刻沉到落谷底。 但諗下附近都應該冇乜餐廳可以打救我地，唯有勇字當頭，照落單。2 個人叫咗 4 樣，$500+：白酒蜆 - 偏咸，用法包點汁都晒咗個包蒜蓉法包 - 比較有驚喜，同平時既唔同，唔太覺有蒜蓉顆粒，因為好"蓉"同似用熟蒜，都幾香口蒜蓉炒椰菜 - 出晒水，同CANTEEN 個啲伴碟菜係朋友。隔離枱仲叫清炒椰菜，只能講句god bless you!燒乳豬 - 剛上碟既時間可能廚房趕住出，舊肉食到一半就凍咗，不過不減佢既味道。叫侍應拎去番熱，咁廚房唔係HEA 煮熱，而係重新上過色，再番烤過。呢個值得一讚，雖然用既豬係中豬唔係乳豬，但係番烤之後係入味且香脆。肥瘦參半，肉質都算嫩滑。至於話值唔值得食，我就覺得一半半啦。

的士司機介紹去呢度食，話呢間嘢正宗又好食，仲主動幫我地打電話去留位，心想當地人介紹都唔會差得去邊，開門踏入竟然，晚餐時段都竟然冇客？！算啦，可能唔係遊客區，所以靜啲呢，自我安慰中！兩個人食，點咗一份葡式大蝦 一份牛肋骨同一份乳豬炒飯！大蝦同牛肋骨都係同一個汁，大蝦應該係白烚熟咗後淋汁，牛肋骨就應該係求其煎熟咗再淋相同嘅汁，兩樣嘢都係，如果唔點汁就根本係冇味！個所謂乳豬炒飯就係茶記嘅普通西炒飯上面放幾舊乳豬上去！埋單仲要7百幾蚊，完全感覺係中伏，一定唔會再去食，更建意身邊朋友千祈唔好相信當地嘅司機，佢地可能帶客過去會有佣收！